a-hed hag a-dreuz

Brezhoneg

Etimologiezh

Diwar an adverb a-hed, ar stagell genurzhiañ hag hag an adverb a-dreuz.

Troienn adverb

a-hed hag a-dreuz /Distagadur ?/

1. A bep tu (diwar-benn an dilec'hiañ)
   • Lom a gemeras ur skourjez, ha, dao ! an duchenn a zraskas tennoù er glud, a-hed hag a-dreuz. — (Jakez Riou, An Ti Satanazet, Skridoù Breizh, 1944, p. 130.)
   • Ne veze gwelet nemetañ o piltrotat fistilh-holl, pe gentoc'h o tarnijal a-hed hag a-dreuz ar c'hamp, [...]. — (Jarl Priel, Amañ hag Ahont, Al Liamm, 1957, p. 17.)
   • Bale a rae Garlantezeg a-hed hag a-dreuz ar sal-debriñ en ur verkañ da bep hini e lec'h d'azezañ, [...]. — (Jarl Priel, An Teirgwern Pembroke, Al Liamm, 1959, p. 16.)
   • Edo an enseller o sellet ouzh un daolenn, livet warni ur rigadellenn a-hed hag a-dreuz. — (Goulc'han Kervella, Brezel ar Rigadell, Al Liamm, 1994, p. 53.)
   • Harry a oa bet o troc'hañ e vlev aliesoc'h eget an holl baotred all eus e glas met se ne rae mann ebet rak derc'hel a raent da hiraat, a-hed hag a-dreuz. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 25.)

Troiennoù heñvelster

• a-dreuz hag a-hed

Troidigezhioù

• galleg : à tort et à travers ^(fr) , en long et en large ^(fr)