gwalenn

Brezhoneg

Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ».

Etimologiezh

Savet diwar ar strollder gwal.

Meneget er C'hatolikon (goalenn).

Da geñveriañ gant ar gerioù gwäel en kembraeg, gwelenn en kerneveureg.

Anv-kadarn 1

gwalenn /ˈɡwɑːlɛn/ benel (liester gwalinier) & unanderenn (strollder : gwal)

1. Bazh hir ha moan.

   <skouer>.

2. Garenn (diwar-benn ur blantenn).

   <skouer>.

3. Lodenn eus ur freilh (da zornañ an ed).
4. Muzul hirder kozh, kement ha pevar zroatad, war-dro 118 cm, a servije da vuzuliañ danvez.
   • Ro din ur walenn dull d'ober koefoù. — (Jules Gros, Le trésor du breton parlé Deuxième Partie, 1970, p. 191.)
5. gwalenn ar fri : an askorn a ro e stumm d'ar fri

Deveradoù

• gwalennad
• gwalennata

Deveradoù

• gwalenn-gein

Troidigezhioù

• galleg : (1) gaule ^(fr) , perche ^(fr)  ; (2) (3) tige ^(fr) (plante ou fléau) ; baleine ^(fr) (parapluie) ; (4) aune ^(fr)

Anv-kadarn 2

Ur walenn

1. Bizoù, bravig kelc'hiek
   • Ma gwalenn aour emezi, er mor a zo kouezhet. Kan: War bont an Naoned.
   • Gwechall e veze lakaet ar walenn war ar biz-yod. — (Jules Gros, Le trésor du breton parlé Deuxième Partie, 1970, p. 560.)
   • War viz-kreiz e zorn kleiz en devoa ur pikol gwalenn aour merket warni lizherennoù ha n'anaveze den. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 22.)
   • - [...] ; pa vo krog mat an tan, e taolfet ar walenn en e greiz, hag a lârfet d'ar sonerien mont d'he c'hlask e-barzh. — (Fañch an Uhel, Kontadennoù ar Bobl/4, Al Liamm, 1989, p. 98.)

Troioù-lavar

• terriñ ar walenn, terriñ e walenn

Anv-kadarn 3

1. • Met emañ bremañ an dud o klask tu d'en em zizober diouzh al lazherien-se, ken stank ma 'z int deut d'o zro da vezañ ur c'hastiz hag ur walenn. — (Jarl Priel, Va Zammig Buhez, Al Liamm, 1954, p. 92.)
   • Ur bater evit ma plijo gant an Aotrou Doue treiñ diwarnomp an teir gwalenn a gastiz. — (Jules Gros, Le trésor du breton parlé Deuxième Partie, 1970, p. 191.)

Troidigezhioù

anneau ^(fr) ring ^(en)

fléau ^(fr)