Brezhoneg

  Etimologiezh

(Anv-kadarn ha verb) Eus ar c'hrennvrezhoneg comps, diwar ur ger keltiek *kom-wep-s- a zo *wepos « komz, mouezh » e wrizienn (en deus roet gwep « dremm » e kembraeg), hag a zeufe eus ur verb indezeuropek *uekʷ- « komz » a gaver er gerioù vácas (वचस्) « komz, ger » e sañskriteg, épos (έπος) « ger » en henc'hresianeg, vōx « mouezh » e latin, hag all (martezeadenn).[1]
(Furm verb) Savet diwar komz-, pennrann ar verb komz, hep dibenn-ger.

  Anv-kadarn

komz /ˈkɔ̃ms/ benel (liester komzoù (a-wechoù komzioù[1]) — furm vihanaat komzig)

  1. Barregezh naturel da gomz.
    • reiñ ar gomz da un den: reiñ dezhañ galloud da gomz , pa oa mut a-raok
      Mirakloù niverus ha disheñvel a vrudas e santelezh ; reiñ a reas ar gomz da unan eus he leanezed, ar c'hleved d'un all, hag ar yec'hed ne ouier ket da bet ha pet-all. — (Yann-Vari Perrot, Erwan ar Moal, Bue ar Zent, Montroulez, 1912, p. 573.)
  2. Ger pe heuliad gerioù a eztaol ur mennozh.
    • Kement-se na oa ket ur gomz vat. — (Fañch an Uhel, Kontadennoù ar Bobl/1, Al Liamm, 1984, p. 275.)
    • eur gomz vat. Buhez Genovefa A Vraban, Glaoda'r Prad, p. 93
    • Kenetrezo, ar vistri, a gemere evit o reolenn, ar gomz a lennomp en Aviel : dant evit dant, lagad evit lagad. — (Yann Gere, Sarmoniou an Aotrou Quere, dastumet ha renket gant an aotrou Jézégou, Brest, 1906, p. 292.)
    • ... ur gomz fall ... ur gomz hudur ...ur gomz karantezus ... ur gomz truezus ... ur gomz rust ... ur gomz vat ... Ur gomz zo un dra vihan hag a denn da vras. BUAS 394
    • N'oa ket peurachuet he ger ma teuas ur gomz eus foñs an douflez hag a lâras : [...]. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 9.)

Deveradoù

Gerioù kevrennek

Troioù-lavar

Troidigezhioù

  Verb

komz /ˈkɔ̃ms/ verb gwan, verb kreñv eeun, verb kreñv dieeun, (displegadur)

  1. Kaozeal, lavaret, distagañ gerioù, frazennoù. Komz kalz pe nebeut. Komz c'hwek, kreñv, dousik, goustad, buan. Komz ur pennad, ur pennadig.
  2. Komz un dra bennak, ur yezh bennak: ober gant ur yezh bennak.
  3. komz da unan bennak (eus udb, a udb, diwar-benn un dra bennak)
  4. komz gant unan bennak (eus udb, a udb, diwar-benn un dra bennak)
  5. Komz ouzh unan bennak
  6. Komz a un dra bennak.
  7. Komz diwar-benn un dra bennak pe diwar-benn unan bennak.
  8. Komz eus un dra bennak pe eus unan bennak .

Deveradoù

Gerioù kevrennek

Troioù-lavar

Troidigezhioù

  Furm verb

Kemmadur Furm
hep komz
dre vlotaat gomz
amreizh digemm

komz /ˈkɔ̃ms/

  1. Furm ar verb komz e trede gour unan an amzer-vremañ, en doare-disklêriañ.
  2. Furm ar verb komz en eil gour unan an doare-gourc'hemenn.

  Daveoù

Roll an daveoù :

  1. Komz(i)ou, e Geriadur Vallée (parole)