lev
Brezhoneg
Etimologiezh
- Eus lew e kembraeg, a deufe eus leuga e latin, a deufe eus ar galianeg, ma ne deu ket eus ar galianeg war-eeun.
Anv-kadarn
lev /ˈlew/ benel (liester : levioù)
- Unanenn hed kozh, hag a dalvez kement hag ur pevar c'hilometr bennak.
- — Gweltroù ha pa o lakaan war ma divhar e c'hallan ober ugent lev bep kammed. — (Fañch an Uhel, Kontadennoù ar Bobl/1, Al Liamm, 1984, p. 32.)
- − Pelec'h emañ ar milinoù-se ?
− N'o gwelet ket du-hont, war ar menez, teir lev ac'hann ? — (Fañch an Uhel, Kontadennoù ar Bobl/3, Al Liamm, 1988, p. 112.) - Ar menez a oa bras hag uhel; teir lev a oa da ober an dro dezhañ. — (Fañch an Uhel, Kontadennoù ar Bobl/1, Al Liamm, 1984, p. 75.)
- Paka eur pesk brao a eure, ha neuze ez eas da gas anezan da eur roue a oa eun teir pe beder leo ac'hano. — (G. MILIN, Gwechall-goz e oa..., Kemper, 1924, p. 41.)
- Diou leo tro-war-dro, e oa bet klevet ar jabadao a-dreuz ha dreist ar mêzou, [...]. — (Fañch al Lae, Bilzig, Kemper, 1925, p. 159.)
- [...], hag hen da yudal ken a vije klevet a deir leo tro-war-dro. — (Erwan ar Moal, Pipi Gonto, Kemper, 1925, p. 2.)
- Ped leo a zo ac'hann da Berroz ? — (Jules Gros, Le trésor du breton parlé Troisième Partie, 1974, p. 156.)
- Bremañ, da vont di, e konter seizh pe eizh lev, dre an hent nevez a zo bet echu er bloaz 1844. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 13.)
- Daoust ha bernioù aour burzhudus a oa en douar, nouspet kant lev dindan o zreid ? — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 75.)
Deveradoù
Gerioù kevrennek
Troioù-lavar
- lakaat lev
- mont el lev
- dibunañ levioù
- faoutañ levioù
- ober ul lev : kouezhañ