micher

Brezhoneg

Etimologiezh

(1499) Mecher e krennvrezhoneg^[1], eus ar ger henc'hallek mestier « micher » (aet ar son [tj] gallek da vezañ [ʃ] e brezhoneg)^[2].

Anv-kadarn

micher /ˈmiʃːɛr/ benel (liester micherioù)

1. Kement labour a ro tro d'an den da c'hounit e vuhez.
   • Micher al labour-douar, na kaerat micher ... — (Gabriel Morvan, Buez ar Zent, Brest, 1894, p. 404.)
   • — [...] ; ranket en deus mont da soudard, ha bremañ e ra e vicher. [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 224.)
   • Siwazh, evidon da vezañ aet war goshaat, n'am eus ket c'hoazh kavet an tu da binvikaat gant ar vicher-se. — (Jarl Priel, Va Zammig Buhez, Al Liamm, 1954, p. 25.)
   • KARIN. — Brezeliañ ? Fent am eus o klevout kemend-all ! Ober ar vicher-mañ ha brezeliañ a zo 'ta, hervezoc'h, tuig ha talig ? — (Jarl Priel, Kazh ha Logodenn, Al Liamm niv. 90, Genver-C'hwevrer 1962, p. 44.)
   • E vicher eo dastum truillou, dastum pillou ha gwerza stoup. Setu perag e vez greed anezañ ar pillaouaer pe ar stoupaer. — (Tad Medar, An Tri Aotrou, 1981, p. 108.)
   • — Peseurt micher a rit, a c'houlennan, ijinour ? — (Yann Gerven, Brestiz o vreskenn, Al Liamm, 1986, p. 74.)
   • Set' aze ur vicher vrav! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 237.)
   • Al labour-douar zo ur 'vicher boanius. — (Jules Gros, Le trésor du breton parlé Troisième Partie, 1974, p. 215.)
   • Ur gwall vicher eo bezañ martolod. — (Jules Gros, Le trésor du breton parlé Troisième Partie, 1974, p. 215.)

Deveradoù

• advichereladur
• etremicherel
• micheraj
• micherdi
• micherel
• micherelaat

• micherelaet
• michereladur
• michereg
• micherek
• micherelezh
• micherelour

• micherelouriezh
• micherelouriezhel
• michererezh
• micheriad
• micherour

• micherourel
• micherouriezh
• sokiomicherel
• sokiomichereg
• sokiomicherek

Gerioù kevrennek

• mestr-micherour
• micher-dorn
• micher-spered
• micherour-douar
• red-micher
• tro-vicher

Troioù-lavar

• a vicher, § un den a vicher
• bezañ eus ur vicher : ober ur vicher
• bezañ lakaet war ur vicher : bezañ lakaet da zeskiñ ur vicher
• bezañ war ur vicher : ober ur vicher
• chom war ur vicher : bezañ stabil en e vuhez ha chom d'ober e [[micher|vicher]

• deskiñ micher : deskiñ ur vicher
• labourat war e vicher : labourat war ar vicher a zo bet desket
• mont war ur vicher : dibab ur vicher
• mont diwar ur vicher : dilezel ur vicher
• ren e vicher : ober e vicher

Troidigezhioù

• alamaneg : Beruf ^(de)
• esperanteg : profesio ^(eo)

• galleg : métier ^(fr) , profession ^(fr)
• saozneg : profession ^(en)

Daveoù

Roll an daveoù :

• ^[1] : Ar c'hCatholicon
• ^[2] : Lexique Étymologique des termes les plus usuels du Breton Moderne, p.197, 202.