pask

Brezhoneg

Etimologiezh

Diwar anv Pask, gourel, deiz ur gouel a denn d'ar relijionoù juzev ha katolik.

Anv-kadarn

pask

1. an deiz ma vez komuniet evit ar wech kentañ gant ur bugel en Iliz katolik, da lavarout eo bezañ kofesaet evit gellout komuniañ en deiz-se.

   Disul e vo pask ar vugale. — (Jules Gros, Le trésor du breton parlé Deuxième Partie, 1970, p. 397.)

2. ober e bask  : komuniañ da Bask (ha dre-se kofesaat a-raok)
3. ober e bask kentañ

   Hemañ en deus graet e bask kentañ, — (Jules Gros, Le trésor du breton parlé Deuxième Partie, 1970, p. 397.)

4. bezañ rasket eus e bask: mirout ouzh ur bugel d'ober e bask kentañ, peurvuiañ peogwir ne ouie ket e gatekiz

   Ifig a zo bet rasket eus e bask, — (Jules Gros, Le trésor du breton parlé Deuxième Partie, 1970, p. 397.)

   Rask, rask, hep e bask : a veze lavaret gant ar vugale d'an hini a veze rasket, d'ober goap outañ.

5. ar gomunion

   Digwener e oa kaset he fask dezhi: degaset e oa bet dezhi ar Sakramant da gomuniañ d'ar gêr pa ne c'helle ket dont d'an iliz — (Jules Gros, Le trésor du breton parlé Deuxième Partie, 1970, p. 397.)