dornad

Brezhoneg

Etimologiezh

Diwar an anv-kadarn dorn hag al lostger -ad.

Anv-kadarn

dornad /ˈdɔrnat/ gourel (liester : dornadoù)

1. Endalc'had an dorn ; krabanad
   • An ozhac'h a gemer un dornad plouz diouzh an hejerez hag a vrall e benn. — (Jakez Riou, Geotenn ar Werc'hez ha danevelloù all, Al Liamm, 1957, p. 36.)
   • Kemerit eun dornad bleud euz ar zah-mañ. — (Jules Gros, Le trésor du breton parlé Deuxième Partie, 1970, p. 135.)
2. (dre skeudenn-lavar) Kementad pe niver bihan ; bozad, torkad, toullad (dirak un anv lies, stroll, pe hollek)
   • Ez an d'ober eun dornad krampouez d'am lein. — (Jules Gros, Le trésor du breton parlé Deuxième Partie, 1970, p. 135.)
   • Me a zo bet o tistaga eun dornad meskl. — (Jules Gros, Le trésor du breton parlé Deuxième Partie, 1970, p. 135.)
   • — Ac'hanta, a gendalc'has Dumbledore, un dornad poentoù am eus da ingaliñ. [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 314.)
3. Taol roet gant an dorn pe gant ar meilh-dorn ; flac'had, flipad, krabanad, takad
4. Gwechad stardañ an dorn d'unan bennak evit saludiñ anezhañ ; stard-dorn
5. Poan en dorn:
   • Me am-oa bet eun dornad hag a oa bet pell o wellaad. — (Jules Gros, Le trésor du breton parlé Deuxième Partie, 1970, p. 135.)

Deveradoù

• dornadig
• dornad mat
• dornata

Troidigezhioù

• galleg : coup de main ^(fr)
• galleg : groupe ^(fr) (de personnes, etc.)
• galleg : mal à la main ^(fr)
• galleg : petite quantité ^(fr)
• galleg : plein la main ^(fr)
• galleg : poignée ^(fr)