memes

Brezhoneg

Etimologiezh

Meneget e Yezhadur Istorel ar Brezhoneg, gant Roparz Hemon (Hor Yezh), pajenn 147, evel amprestet digant ar galleg, diwar ar ger même, ha deuet da vout mesmes.

Anv-gwan

memes

1. memes evel (ha gwelout memes tra evel)
   • Hag e tegouezh er memes kastell evel Gwennveur, — (Fañch an Uhel, Kontadennoù ar Bobl/2, Al Liamm, 1985, p. 19.)
   • Bemdez e vije o vale ganti ha gant ar briñsez, hag e tebre eus ar memes taol evelte. — (Fañch an Uhel, Kontadennoù ar Bobl/3, Al Liamm, 1988, p. 38.)
   • Hag e tremeni dre ar memes kêrioù eveldon, — (Fañch an Uhel, Kontadennoù ar Bobl/3, Al Liamm, 1988, p. 175.)
   • Mevel an aotrou ... a diskenn er memes ostaleri evel e vestr, — (Fañch an Uhel, Kontadennoù ar Bobl/3, Al Liamm, 1988, p. 177.)
   • Mab bidoc'hig ar Vendée a laka ac'hanon er memes sac'h evel hon mamm-gozh Eva — (Yann Gerven, Brestiz o vreskenn, Al Liamm, 1986, p. 79.)
2. memes gant (ha gwelout memes tra gant)
   • Kaout memes opinion gant un all; — (GReg, p. 12.)
   • ... ne deo nemet ar memes tan gant tan an Ifern; — (RP, p. 210.)
   • — [...], a gav dezho oc'h bet ivez merzheriet er memes taol gant ho kenvreudeur. — (Lan Inizan, Emgann Kergidu 1, Brest, 1877, eil emb. Al Liamm 1977, p. 44.)
   • Loull ar Bouc’h o tont er memes kraou ganto, — (Lan Inizan, Emgann Kergidu 1, Brest, 1877, eil emb. Al Liamm 1977, p. 97.)
   • — [...]. Ar re-ze, tud ar San, a veze atao gueach-all er memez tu gand ar veleien, [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 157.)
   • ... e voe dibennet ... ar memes bloaz hag ar memes devezh gant sant Pêr — (IAI, p. 19.)
   • Pevar Doktor bras eus an iliz o deus ar memes merkoù gant ar pevar avieler. OZB 42 — (OZB, p. 42.)
   • ... pa soñjan e vinnigan an eur am eus en em gavet war ar memes hent gant ho merc'h ; ... — (PIPI 1908, p. 52.)
   • Hennezh n’eo ket eus ar memes mamm gant ar re all, — (Jules Gros, Le trésor du breton parlé Première Partie, 1966, p. 180.)
   • Ma breur-me a oa eus ar memes tennañ (d'ar sort) gant Michel, — (Jules Gros, Le trésor du breton parlé Première Partie, 1966, p. 180.)
   • Eus ar memes kovad gant Frañsez e oa, — (Jules Gros, Le trésor du breton parlé Deuxième Partie, 1970, p. 276.)
   • — [...]. Stag ouz he mestr, eo red d'ei heuilh ar memes planedenn gantan. [...] ? — (Erwan ar Moal, Pipi Gonto, Kemper, 1925, p. 181.)
   • O chom emañ er memes ti gant e vestr, — (Jules Gros, Le trésor du breton parlé Première Partie, 1966, p. 180.)
   • Respont a ran kintus d'ar macho a zo war ar memes pondalez ganin. — (Yann Gerven, Brestiz o vreskenn, Al Liamm, 1986, p. 68.)
   • Evel ma oant, er memez reñk gand an ti, ne oant ket divalo da weled. Visan Seité, Ar Marh reiz
   • « Memes marc'had ha gant ar re-all. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 207.)
   • Karout a rae Rozenn, eur plac’h koant er memes oad gantañ .— (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 121.)
3. memes ha (ha gwelout memes tra ha).
   • Skouer ebet gant ha er yezhadurioù-mañ:
     • Yezhadur Istorel ar Brezhoneg, gant Roparz Hemon (Hor Yezh), pajenn 147.
     • Grammaire du breton contemporain, gant Francis Favereau (Skol Vreizh), pajenn 147.
   • Lezenn Doue a zo hirie ar memes hini ha ma oa gwechall. — (Grammaire bretonne du Dialecte de Tréguier, p. 138.) (Skouerenn goshañ kavet gant "ha", roud ebet e skridoù koshoc'h eus Treger).
   • ar MEMES levr eo hag an hini am boa lennet. — (Frañsez Kervella, Yezhadur Bras ar Brezhoneg, Brest, 1947, 1976, p. 294.)
   • N'em eus ket c'hoant da gaout ar memes mantell ha te. — (La grammaire bretonne pour tous, p. 173.). Iskisat skouer. Gortoz a rafed: ur vantell evel da hini, pe heñvel ouzh da hini.

Deveradoù

• ar memes hent
• ar memes hini
• memes oad
• memes tra
• memestra

Notenn

• memb e brezhoneg Gwened
• ral ken-ken hep ar ger-mell strizh
• ne vez ket kavet gant ar ger-mell amstrizh

Gwelout

• hevelep
• seurt

• same
• stesso