skoed

Brezhoneg

Etimologiezh

Meneget er C'hatolikon (scoet).

Da geñveriañ gant ar gerioù ysgwyd en kembraeg, scos en kerneveureg, sciath en iwerzhoneg.

Anv-kadarn

skoed /ˈskweːt/ gourel (liester skoedoù)

1. Arm difenn anezhañ ur blakenn dev, douget ouzh ar vrec'h evit en em wareziñ
   • An den ne oa gantañ na tokarn, na sae-houarn, na skoed. — (Roparz Hemon, Gaovan hag an Den Gwer, 1949 kentañ emb. Embannadurioù Douar ar Yaouankiz (Al Liamm), eil emb. Levrioù Skol al Louarn (An Here), 1988, p. 9.)
   • [...] ; e goaf a doull skoed Pons Anton, a rog e roched stamm-orjal, hag en e drebarzh, eñ e-unan, treuz-didreuz, a-raok sinklañ er-maez, dres etre e zivskoaz. — (Langleiz, Romant ar Roue Arzhur/levrenn I : Marzhin, Al Liamm, 1975, p. 78.)
2. Moneiz a-wechall
   • − Gra se evidon, Jakez kaezh, ha me a roio dit daou c'hant skoed. — (Fañch an Uhel, Kontadennoù ar Bobl/3, Al Liamm, 1988, p. 203.)
   • - [...] ; ro din mil skoed hepken, hag e lârin ec'h eo marvet ma mamm dre gleñved ha kozhni, ha den na ouvezo netra. — (Fañch an Uhel, Kontadennoù ar Bobl/3, Al Liamm, 1988, p. 214.)
   • Ar roue, pa glevas edo eno ar pesketaer bihan adarre, a lakaas rei d'ezan ivez pevar c'hant skoed. — (G. MILIN, Gwechall-goz e oa..., Kemper, 1924, p. 43.)
   • — « O c'hoari kartoù, ha c'hoazh em eus gounezet ur skoed hag ur gwenneg. » — (Jakez Riou, An Ti Satanazet, Skridoù Breizh, 1944, p. 70.)
   • Reiñ a reas dezhañ kant skoed, ur c'hi hag ur marc'h, hag an deiz war-lerc'h ar mab henañ en hent. — (Marsel Klerg, Faltazi an amzerioù kent, Mouladurioù Hor Yezh, 1999, p. 22.)
   • — [...]. It gantañ d'ar foar ha goulennet outañ ar pezh a garfet, hag e ve mil skoed, hag e vo roet deoc'h ; [...]. — (Fañch an Uhel, Kontadennoù ar Bobl/4, Al Liamm, 1989, p. 94.)

Doareoù-skrivañ all

En doare-skrivañ etrerannyezhel e vez skrivet skoued.

Deveradoù

• skoedad
• skoeder
• skoedus

Gerioù kevrennek

• skoed-ardamez

Krennlavarioù

• Skoed em dorn a dalv din-me
  Muioc'h eget daou o vale

Troidigezhioù

Arm difenn

• alamaneg : Schild ^(de)
• esperanteg : ŝildo ^(eo)
• galleg : bouclier ^(fr) , écu ^(fr)
• ido : shildo ^(io)
• italianeg : scudo ^(it)
• katalaneg : escut ^(ca)
• kembraeg : ysgwyd ^(cy)
• kerneveureg : scos ^(kw)
• saozneg : shield ^(en)
• spagnoleg : escudo ^(es)

Moneiz

• esperanteg : eskudo ^(eo)
• galleg : écu ^(fr)
• ido : skudo ^(io)
• italianeg : scudo ^(it)
• saozneg : écu ^(en)
• spagnoleg : escudo ^(es)

Etimologiezh

Eus sko hag -ed.

Furm verb

skoed /ˈskoː.ɛd/

1. Furm dic'hour ar verb skeiñ en amzer amdremenet an doare-disklêriañ.