Kaozeadenn Patrom:User br

Kinnig a ran

• a) keñveriañ gant: [[1]],
• b) teurel evezh e vez graet eno gant 6 live

Bianchi-Bihan 20 Du 2007 da 03:28 (UTC)

N'ouzon ket petra eo "un anaoudegezh leun en deus tapet". Mar deo ret ober evel er yezhoù all (marteze n'eo ket) n'eus nemet keñveriañ

• [[2]]

• ha [[3]]

Me 'gav eo aes ha sklaer.

Bianchi-Bihan 25 Du 2007 da 09:57 (UTC)

Evit resisaat: n'em eus ket gwelet (ha ne gomzan ket eus "klevet") "tapout anaoudegezh", met "tapout deskadurezh". Ne gredan ket e vije gant den "anaoudegezh eus ur yezh" (n'on ket sur e vije tu da dreiñ an dra-se e saozneg!). Met ma relijion din-me-me an hini eo. Bianchi-Bihan 25 Du 2007 da 10:10 (UTC)

Sell ouzh arguzennoù Fulup war Wikipedia. --Yun (kaozeal) 25 Du 2007 da 10:14 (UTC)

Petra a ri? N'on ket a-du ganto. Sell ouzh ma re.

• Ur yezh eo ar brezhoneg, ha heñvel eo ouzh an holl yezhoù all e meur a geñver.
• "Anaoudegezh leun" n'eo ket brezhoneg.

Bianchi-Bihan 25 Du 2007 da 10:56 (UTC)

Din-me eo ingal petra vo dibabet en diwezh.

• Koulskoude n'eo ket ar brezhoneg ur yezh evel ar re all, unan vinorelaet ne lavaran ket. N'eo ket war barlenn e vamm hepken e tesker e yezh : er skol, er c'hazetennoù, er skinwel, er skingomz e taper un tamm anaoudegezh ouzhpenn eus ar yezh. An anaoudegezh-se, n'eo ket bet roet d'ar pep brasañ eus ar vrezhonegerien a-vihanik. "Yezh-vamm" evit ar yezhoù all, n'eo ket tamm ebet ar memes tra ha "yezh-vamm" evit ar brezhoneg (nemet gant gant un nebeut-tre a dud eveldout a zo war un dro desket war ar brezhoneg ha brezhonegerien a-vihan).
• Perak n'eo ket brezhoneg "anaoudegezh leun" ? --Yun (kaozeal) 25 Du 2007 da 11:46 (UTC)

Ingal hag all

Ingal eo din ar gerioù gant ma vint brezhoneg. Ma n'eo ket en ur geriadur e kavor brezhoneg mat, pelec'h?

N'em eus ket digoret ar gaoz-se evit lakaat ma soñj da vout trec'h, na kemm hervez ma soñj, met evit lakaat ar re a garo d'en em soñjal ha da ziwall ouzh raksoñjoù degemeret re aes evel gwirionezioù.

Yezhoù minorelaet zo e-leizh er bed. A-raok bezañ minorelaet int yezhoù evel ar re all, ha desket e vezont evel ar re all.

An holl yezhoù a c'haller deskiñ, ha n'eus forzh penaos.

Tapout un anaoudegezh (troienn eus ar c'hentañ kantved warn-ugent) a zo deskiñ e brezhoneg didroidell.

Ne vez ket leuniet un anaoudegezh, ha ne vez ket lavaret anaoudegezh c'houllo.

Ne ran ket gant yezh-vamm. Met ober a ran gant gant yezh-mamm, yezh-tad, yezh-mamm-gozh, resisoc'h d'am soñj. Un dibab personel marteze, arguzennet ivez.

Yezh-vamm pe yezh-mamm, heñvel eo an droidigezh en holl yezhoù. Ha sklaer eo en holl yezhoù: yezh ar vamm n'eo ket yezh ar skol, pe hini ar vicher.

Ne vern din e vije mesket an traoù, ar gerioù, mesket int er vuhez. Met ma ne vez ket graet ar c'hemm (etre yezh ar vamm, yezh ar skol, pe hini ar vicher) e brezhoneg evel er yezhoù all, en un oberenn skiantel evel homañ e lavaran n'eo ket mat evit ar vrud skiantel.

Keit ma labourin amañ e lavarin pegoulz n'on ket a-du gant dibab pe zibab. Bianchi-Bihan 25 Du 2007 da 12:52 (UTC)

Yac'h eo lavaret e soñj, ha gant se emaon o paouez kompren talvoudegezh ar 5vet live yezh er Wikipedia kembraek.

Me gav din n'eo ket testeniekaet a-walc'h an droienn tapout anaoudegezh evit ober anezhi troienn eus ar c'hentañ kantved warn-ugent :-)

Sklaeroc'h eo lakaat a-gostez anoudegezh leun (anaoudegezh klok a vije bet brezhoneg marteze ?) setu e cheñchin ar patrom ... da c'hortoz alioù tud all. --Yun (kaozeal) 25 Du 2007 da 13:30 (UTC)

Ne roan ket ma soñj evit lakaat kemm, met evit lenn arguzennoù ar re all. Atav e laran e vez amzer a-raok kemm (nemet pa vez fazioù splann, ha c'hoazh).

Ne laran ket e vez ar gwir ganin atav, ha faziañ a c'hallan amañ ivez, met din da c'houzout n'eo ket un droienn eus an XXvet kantved. Ha n'em eus ket laret e oa "troienn ar c'hantved"! Bianchi-Bihan 25 Du 2007 da 18:28 (UTC)

Kinnig

Marteze n'eus ket ezhomm da lakaat 6 live ? N'eus nemet lemel ar 5vet (ruz) , ha lakaat ar skrid anezhañ el liv gwer. Evel-se ne gomzer ket tamm ebet eus yezh-vamm. Met kinnigoù all a c'haller ober. War-bouez. Bianchi-Bihan 25 Du 2007 da 18:36 (UTC)