Kaozeadenn Rummad:Rannigoù brezhonek
N'ouzon ket petra a vo lakaet er rumm-se. Kavout a ra din e vez lakaet da "rannig" (ha n'eo ket da c'hrakal) gerioù ha n'ouzer ket petra int.
Lakomp ar ger ent-se. Din-me, diouzh gwelet, eo pe ar rakger ent, pe an araogenn ent.
Ma vije gou en he lec'h...
- Trawalc'h skrivañ gou yen evit komz eus un araogenn gou. Nemet abalamour d'an taol-mouezh n'eo ket un araogenn, a zo e-maez ar ger.
- Ma vije gouyen, goudomm, e vije komzet eus ur rakger gou. Hag e vez. Hag ez eo.
Neuze, abalamour d'an taol-mouezh, e larfen eo un araogenn ha ne vez kavet nemet dirak an anv-gwan, pe an anv-gwan verb.
Evel rannigoù ne welan nemet ar rannigoù-verb, sklaer o c'hefridi: a, e, ne, na, ra, da. Hag o, lakaet da rannig gant tud zo, a zo un araogenn. Bianchi-Bihan 22 Kzu 2007 da 04:50 (UTC)
Setu amañ ur roll oberennoù a ra rannig eus ent :
- Roparz Hemon, Ronan Huon, Dictionnaire breton/français français/breton,An Here/Al Liamm, 2002, p. 235 : « partic. » (evit « particule »).
- F. Favereau, Geriadur ar brezhoneg a-vremañ, Skol Vreizh, 1992, p. 222 : « rannig adverb ».
- {{D:GBAHE}}, p.434 : « rn. adv. » (evit « rannig adverb »).
--Yun (kaozeal) 22 Kzu 2007 da 07:01 (UTC)
Din eo un araogenn, evel "e" e-barzh e-kichen, met n'eo ket tener. Ret e vije lakaat rannig-adverb neuze. Ar pezh a gavjen diaesoc'h eo lakaat a, e, ne, er memes sac'h hag ent. Bianchi-Bihan 22 Kzu 2007 da 11:18 (UTC)