abadenn

Brezhoneg

Etimologiezh

Orin diasur, a c’hallfe bezañ savet diwar ar verb padout.

Anv-kadarn

abadenn /a.ˈbɑː.dɛn/ benel (liester abadennoù)

1. Pennad amzer d’ober un dra bennak.
   • Kalet eo bet an abadenn. — (Brogarour, Onenn, 1936, p. 32.)
   • — « Ma n' eus nemet an dra-se da ober, ne vezo ket pell an abadenn. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 169.)
   • Goude un abadenn, evelato, e kleved maouezed, o selloù chomet paret war an tan, o rannañ etrezo, goustad, war o fouez, komzoùigoù berr ha sioulik, [...] — (Jakez Riou, Geotenn ar Werc'hez ha danevelloù all, Al Liamm, 1957, p. 91.)
   • Deomp da ganañ un abadenn pa n'omp ket evit miret. Pemp warn-ugent, Frañsoù Menez ha Loeiz Roparz.
2. darvoud, troioù
   • Abadenn an deiz all : pezh a oa c'hoarvezet en deiz all.
   • Kontañ abadennoù eus e yaouankiz : kontañ troioù an amzer-se.
   • Setu amañ un abadenn eus e yaouankiz. Diwezhatoc'h e konto deoc'h abadennoù e gozhni. — (Lan Inizan, Emgann Kergidu 1, Brest, 1877, eil emb. Al Liamm 1977, p. 11.)
   • Abaoe abadenn ar Folgoad ez eus meur a warlene. — (Tad Medar, An Tri Aotrou, 1981, p. 40.)
   • Abaoe abadenn ar vi brein, tri devez all a oa eat da ruilha bern war vern e puns distradet an amzer dremenet... — (Ivon Krog, Eur Zac'had Marvailhou, Buhez Breiz, Kemper, 1924, p. 25.)
3. krogad labour.
   • ... ne vezo ket hir an abadenn. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 150.)
4. Pennad c’hoari.
   • un abadenn c’hoari-voulloù. — (Lan Inizan, Emgann Kergidu 1, Brest, 1877, eil emb. Al Liamm 1977, p. 9, 14.)
5. Un abadenn dañs.
   • Atav e veze er penn kentañ e pep abadenn hag, el leurioù nevez, e c'houneze ar seizenn peurvuiañ, rak diaes e vije bet kavout gwelloc'h dañserez egeti. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 52.)
6. un abadenn sport
7. ur gwall abadenn
8. Digeriñ an abadenn : kregiñ ganti.
   • Ur sutell a zo gantañ hag eñ eo a ro an taol-sutal evit digeriñ an abadenn. — (Tad Medar, An Tri Aotrou, 1981, p. 52.)
   • Digor an abadenn. — (Cheun ar C'hann, Digor an abadenn, 1950.)
9. Echu eo an abadenn: frazenn a lavarer pa vez echu un dra bennak, pe pa n'haller ober netra ken.
10. un abadenn all : un dra diaesoc'h.

Deveradoù

• abadennad
• abadenner

Gerioù kevrennek

• a-abadennadoù :a-vareadoù

Troidigezhioù

• galleg : partie de jeu ^(fr) , séance ^(fr) , représentation théatrale ^(fr) , émission ^(fr) , moment ^(fr) , affaire ^(fr)