bagad

Brezhoneg

Etimologiezh

• (Anv-kadarn 1) Kavet en henvrezhoneg (bacat).

  Da geñveriañ gant ar gerioù bagad e kembraeg, bagas e kerneveureg.

  Dont a rafe eus ur ger galianek deuet da vezañ Bagaudae e latin ha Bagaudes e galleg diwezhatoc'h.

  En trede kantved e talveze ar "bagad" kement hag ar strolladoù peizanted, forbaned, sklaved ha dezertourien e stourm gant urzh ar Romaned.

• (Anv-kadarn 2) Savet diwar an anv-kadarn bag hag al lostger -ad

Anv-kadarn 1

Bagad (2) Sant-Nazer o tibunañ e straedoù an Oriant.

bagad /ˈbɑːɡat/ gourel (liester : bagadoù)

1. Strollad tud.
   • Ur bagad tud.
   • An holl en ur bagad : a-gevret.
2. Strollad sonerien, gant teir familh binvioù : ar bombardoù, ar biniawoù-bras hag binvioù tos.
   • Bagad Brieg
   • Kampionad ar Bagadoù.
3. Strollad loened.
   • Ur bagad oc'hen. — (Fañch an Uhel, Kontadennoù ar Bobl/1, Al Liamm, 1984, p. 265.)
   • Ur bagad saout.

Deveradoù

• bagadig

Troidigezhioù

Bagad tud (1)

• galleg : troupe ^(fr) , compagnie ^(fr) , peloton ^(fr)
• kembraeg : bagad ^(cy) , band ^(cy)

• kerneveureg : bagas ^(kw)
• saozneg : group ^(en) , team ^(en)

Bagad sonerien (2)

• galleg : bagad ^(fr)

Bagad loened (3)

• galleg : troupeau ^(fr)

Anv-kadarn 2

bagad /ˈbɑːɡat/ benel (liester : bagadoù)

1. Leizh ur vag
   • Ni a oa bet o kas ur vagad vezin da Lannuon. — (Jules Gros, Le trésor du breton parlé Troisième Partie, 1974, p. 202.)

Gerioù heñvelster

• kargad
• lestrad

Troidigezhioù

• galleg : plein un bateau ^(fr) , cargaison ^(fr)

Gwelet ivez

• Ar pennad « bagad » e-barzh Wikipedia