bezañ tomm da unan bennak

Brezhoneg

Etimologiezh

Savet diwar ar verb bezañ, an anv-gwan tomm, an araogenn da hag unan bennak

Troienn verb

bezañ tomm da unan bennak /Distagadur ?/

1. Bezañ en tommder, santout an tommder:
   • Tomm-bras eo din. Gregor pajenn 157.
   • Tomm eo deoc'h? — (Troude, Nouvelles conversations en breton et en français, 1857, p. 2.)
   • Mestr paour, me avat a zo bet tomm din abaoe ! — (Fañch an Uhel, Kontadennoù ar Bobl/1, Al Liamm, 1984, p. 199.)
   • [...] : ha kredi a c'hellit n'oa ket tomm dign, rak e miz meurs e vez c'hoaz ien an amzer. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 29.)
   • - Bremaik e vo tomm dimp. — (Jakez Riou, Geotenn ar Werc'hez ha danevelloù all, Al Liamm, 1957, p. 33.)
   • Hemañ a zo 'vel porhell Fanch ar C'hwero : pa vez leun e gov ha tomm dezañ ne ra ken 'med kousked. — (Jules Gros, Le trésor du breton parlé Première Partie, 1966, p. 56.)
   • Pa arruo Huon amañ e vo tomm deom. — (Jules Gros, Le trésor du breton parlé Première Partie, 1966, p. 61.)
2. 'Bezañ tomm da revr un den, d'e lêr : tapout taolioù.

Troidigezhioù

• galleg : avoir chaud ^(fr) ; attraper chaud ^(fr)