dre-holl

Brezhoneg

Etimologiezh

Savet diwar an araogenn dre hag holl.

War batrom an adverb gallek partout.

Adverb

dre-holl /dreˈɔl/

1. E pep lec'h
   • Dre-holl e vije lâret dezhi : [...] ! — (Fañch an Uhel, Kontadennoù ar Bobl/1, Al Liamm, 1984, p. 94.)
   • Biskoazh ne oa bet gwelet e bar ; dre-holl e souezhe an dud, hag e choment da sellet oute, digor o genaouoù gante. — (Fañch an Uhel, Kontadennoù ar Bobl/2, Al Liamm, 1985, p. 148.)
   • Dre-holl e trec'he war e enebourien ; ha setu ne oa kaoz nemet anezhañ en arme hag en kêr. — (Fañch an Uhel, Kontadennoù ar Bobl/3, Al Liamm, 1988, p. 38.)
   • Hon Salver Jezuz-Krist a oa deut da ober un dro en Breizh-Izel gant sant Pêr ha sant Yann. mont a raent dre-holl, da di ar paour evel da di ar pinvig, hag e prezegent en ilizoù, er chapeloù hag alies en tachennoù, dirak ar bobl dastumet. — (Fañch an Uhel, Kontadennoù ar Bobl/4, Al Liamm, 1989, p. 29.)
   • Rak kaer zo, e pep parrez, ar maer eo a ra e lec'h hag en anv ar c'houarnamant, abalamour ar re a zo e Pariz ne c'hellont ket tizhout dre-holl hag a rank en em ziskargañ war re all da ober evito. — (Lan Inizan, Emgann Kergidu 1, Brest, 1877, eil emb. Al Liamm 1977, p. 14.)
   • En ilizoù, kerkoulz ha dre-holl, ar veleien a dle krial, hag a grio bepred a-enep an dud fall hag ar falskredennoù. — (Lan Inizan, Emgann Kergidu 1, Brest, 1877, eil emb. Al Liamm 1977, p. 217.)
   • [...], ne oufen ket lavaret ken nebeut perak ez iz di d'ho c'hlask, nemed abalamour an nep a glask a furch dre-oll. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 44.)
   • — ...Zellet aman, miliner, penoz ez omp glebiet !
     Bet omp dre-hol o vale, ha collet hon c'hezec. — (Fañch an Uhel, Soniou Breiz-Izel 2, Pariz, 1891, 1971, p. 204.)
   • — « [...] ? Gwelit pebeuz brezel spountus a zo great dreoll ouz relijion santel an Aotrou Doue ! [...] ! » — (Klaoda ar Prad, Marvailhou ar Vretoned e-tal an tan, Sant-Brieg, 1907, p. 66.)
   • Arru e oant gant eur stêr vras, en tu all d'ei evel eur mor gouleier: ne wele Per nemet tan dre-holl o flaminan sioul, rak ne rê takenn avel. — (Erwan ar Moal, Pipi Gonto, Kemper, 1925, p. 55.)
   • « [...]. An ed-du a zo kement a c'houez vat gantañ ken he c'hlever dre holl ! [...]. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 28.)

Doareoù-skrivañ all

En doare-skrivañ etrerannyezhel e vez skrivet dre-oll.

Troioù-lavar

• bezañ stag e vag dre-holl

Troidigezhioù

• galleg : partout ^(fr)
• saozneg : everywhere ^(en)