emgann

Brezhoneg

Etimologiezh

Savet diwar rannig an emober en em ha pennrann ar verb kannañ.

Anv-kadarn

Golo Emgann Kergidu 1878
gant Lan Inizan

emgann /ˈẽm.ɡãn/ gourel (liester : emgannoù)

1. Stourm taer etre meur a enebour, gant armoù peurvuiañ.
   • ..., arabat bezañ souezhet e lakae lod all sin ar groaz en o c'herc'henn, a-raok an emgann, da ziskouez e oant dibec'h eus ardoù ken diaoulek. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 38.)
   • Ma n'her raje ket e vije emgann etre Kastelliz hag an archerien, ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 18.)
   • E gwir, un arvest divoutin eo, ur weladenn o tennañ war un dro d'ar burzhud ha da emgann Ballon. — (Jakez Konan, Lannevern e kañv ha danevelloù all, Al Liamm, 1980, p. 25.)
   • War ar bratell emgann, e lezo ar varoned irc'hier ponner, ... — (Langleiz, Romant ar Roue Arzhur/levrenn I : Marzhin, Al Liamm, 1975, p. 64.)
   • Neuze ar brinsez a lamm war he marc'h, e-kreiz an emgann ruz. — (G. MILIN, Gwechall-goz e oa..., Kemper, 1924, p. 31.)
   • ..., kentiz ha ma save kel eus emgann ha stourm. — (Jarl Priel, Amañ hag Ahont, Al Liamm, 1957, p. 30.)

Kanaouennoù

1. • Dinn, dinn, daon ! dann emgann ! dann emgann !
     Oh ! Dinn, dinn, daon ! dann emgann a eann ! - Diskan ar ganaouenn An Alarc'h (Barzaz-Breiz)

Gerioù heñvelster

• kann
• krogad

Deveradoù

• emgannañ
• emganner
• emgannerezh

Gerioù kevrennek

• emgann-daou

Troidigezhioù

• galleg : bataille ^(fr)  benel , combat ^(fr)  gourel
• italianeg : battaglia ^(it)  benel