goude-se

Brezhoneg

Etimologiezh

Diwar an adverb goude ha se.

Adverb

goude-se /ɡudeˈzeː/

1. Goude ; ur wech graet kement-se
   • Daou zervezh goude-se e kouezhas klañv, uzet gant an oad, e binijennoù hag ivez gant an anken. — (Lan Inizan, Emgann Kergidu 1, Brest, 1877, eil emb. Al Liamm 1977, p. 16.)
   • Ni a ieaz dreisthan enn tu-all, ha goude-ze a grogaz enn he limonou hag hen stlapaz er ganol, [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 2.)
   • Charlez a goanias mat, ha goude-se ec'h eas da gousket en ur gwele pluñv, [...]. — (Fañch an Uhel, Kontadennoù ar Bobl/1, Al Liamm, 1984, p. 72.)
   • [...], hag ur pennadig amzer goude-se e voe dimezet hag euredet d'e verc'h. — (Fañch an Uhel, Kontadennoù ar Bobl/2, Al Liamm, 1985, p. 43.)
   • — Ret e vo ober, pa lâran dit, evit ma mad ha da hini, ha goude-se ma c'hignat : [...]. — (Fañch an Uhel, Kontadennoù ar Bobl/3, Al Liamm, 1988, p. 48.)
   • — [...]. Goude-se ec'h on bet daoulinet e-tal ar varskaoñv, da bediñ evit an anaon. [...]. — (Fañch an Uhel, Kontadennoù ar Bobl/4, Al Liamm, 1989, p. 82.)
   • — Ya, kañfarded, c'hwi a zo bet prenet eus ar groug gant ho preur yaouank, ha goude-se hoc'h eus lazhet anezhañ, [...]. — (Fañch an Uhel, Kontadennoù ar Bobl/5, Al Liamm, 1994, p. 114.)
   • Goude-se e rankot tamouezat, lakaat an toaz e go, ober tan er forn. — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 44.)
   • Goude-se, en e goazez war dreuzoù e vlockhaus e chome da sellout ouzh ar mor, [...]. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 298.)
   • Goude-se e oa ar c'hentelioù end-eeun, pa ho poa kavet ar sal. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 140.)

Gerioù heñvelster

• war-lerc'h

Troidigezhioù

• kembraeg : wedi hynny ^(cy) , wedyn ^(cy)
• galleg : après celà ^(fr)