goude ma

Brezhoneg

Etimologiezh

Savet diwar goude hag ar stagell ma.

Stagell isurzhiañ

goude ma /ˈɡuːde‿ma/

1. E penn-kentañ un islavarenn-enebiñ → Termenadur da glokaat (Ouzhpennañ)
   • Karet Doue: an neb en deus ar garantez-se zo pinvidik a-walc’h goude ma n’hen gouvezfe ket. BUAS 651
   • Goude ma vefe diskiantañ den a zo o vale, E-tal ar poull, YV Perrot
   • Goude ma oant daou vreur en em lardent evel kigi da welet pehini a (/e/ kentoc'h) vije ar c'hreñvañ. — (Jules Gros, Le trésor du breton parlé Troisième Partie, 1974, p. 19.)
   • Ne oa tamm droug ebet ennañ, diouzh gwelout, goude ma oa bet darbet dezhañ bezañ taolet d'an traoñ. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 9.)
   • Hounnezh, goude ma n'he deus ket an disterañ galoñs korporal, ... — (Jakez Konan, Lannevern e kañv ha danevelloù all, Al Liamm, 1980, p. 17.)
   • Goude ma 'z oa Soaz Sapeur kalon-vat holl, graet e veze evelkent anezhi ur plac'h feuls, ha zoken gouez a-walc'h, da vihanañ ouzh ar re na ouient ket ober diouti. — (Jarl Priel, Va Zammig Buhez, Al Liamm, 1954, p. 12.)
   • Goude ma n’on ket menajer ec’h anavezan ar chistr mat diouzh ar chistr fall. — (Jules Gros, Le trésor du breton parlé Première Partie, 1966, p. 135.)
   • Hemañ, 'vat, goude ma vo ar henta er skol, ne lakaio ket brasoh pout-houarn a-ze war an tan. — (Jules Gros, Le trésor du breton parlé Deuxième Partie, 1970, p. 428.)
   • Goude ma'm boa adsellet n'am boa gwelet netra. — (Jules Gros, Le trésor du breton parlé Troisième Partie, 1974, p. 217.)
2. E penn-kentañ un islavarenn amzeriañ → Termenadur da glokaat (Ouzhpennañ) :
   • Goude m'oa echu emgann Kergidu ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 221.)
   • E gustumañs e oa d'an noz, goude ma vije debret koan ha lavaret ar pedennoù, chom e korn an tan d'ober ur c'hornedad. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 26.)
   • Ha morse n'hon eus bet gouezet, va c'herent na me, petra e teuas egile da vezañ goude m'en devoe kuitaet ar gêr. — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 7.)
   • An itron, o welet e oa klanv, a reas digas eur vuredad dour melen, ha, goude m'an nevoe evet anei, Herri ne zantas ken netra. — (Erwan ar Moal, Pipi Gonto, Kemper, 1925, p. 17.)
   • Pa 'z eo gwir e komzan deoc'h eus a Landreger, ez an da lavaret deoc'h ar pezh a c'hoarvezas eno nebeut goude ma 'z oa aet an Aotrou 'n Eskob kuit. — (Lan Inizan, Emgann Kergidu 1, Brest, 1877, eil emb. Al Liamm 1977, p. 29.)
   • Hermione a blije dezhi komz eus an arnodennoù hag eus ar respontoù mat goude ma oant tremenet, ... — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 271.)
   • Eizh deiz goude ma 'z oa bet degemeret da implijad en ti-bank e oa se... — (Jakez Konan, Lannevern e kañv ha danevelloù all, Al Liamm, 1980, p. 46.)
   • ... ; goude ma varvas hon tad hag hor mamm, ni hon daou, va c'hoar ha me, a voe lakeat en hon tra. — (G. MILIN, Gwechall-goz e oa..., Kemper, 1924, p. 6.)
   • Goude ma voe bet lakaet ar werzh war e vereuri Poull ar Raned, e sachas e skasoù e-maez ar vro... — (Jarl Priel, Va Zammig Buhez, Al Liamm, 1954, p. 47.)
   • O sellout outo, avat, goude ma oant peurechu, Rivanon en em gave doaniet, ... — (Jakez Riou, Geotenn ar Werc'hez ha danevelloù all, Al Liamm, 1957, p. 64.)

Stagelloù isurzhiañ heñvelster

• (1) daoust ma, evit ma, petra bennak ma, war-lerc'h ma
• (2) war-lerc'h ma

Stagelloù isurzhiañ enepster

• (2) a-raok ma, kent ma

Troidigezhioù

(1)

• galleg : bien que ^(fr) , malgré que ^(fr)
• saozneg : although ^(en)

(2)

• galleg : après que ^(fr)
• saozneg : after ^(en)