joa

Brezhoneg

Etimologiezh

Diwar ar ger gallek joie

Anv-kadarn

joa /ˈʒwɑː/ hollek benel (furm vihanaat : joaig, liester : joaioù)

1. Levenez
   • [...], hag ar roue kozh en devoe kement a joa o welet e verc'h hag e vab-kaer, [...]. — (Fañch an Uhel, Kontadennoù ar Bobl/1, Al Liamm, 1984, p. 36.)
2. Estlamadell
   • — Salud, aotrou ; demat ha joa,
     ’Vit kement hag e hall bezañ ! — (Emil Ernod, Gwerziou Barz ar Gouet, Sant-Brieg, 1903, p. 234.)
3. Joa-bevañ
   • Un azen yaouank e oa, ha ken hir, ken fonnus, ken start e trompilhas e joa-bevañ : madelezh ar peuriñ, ha levenez heol an abardaez e natur Doue, ma voe stad en iliz kozh moredet en he zeñvalijenn. — (Youenn Drezen, Sizhun ar Breur Arturo, Al Liamm, 1971, p. 7.)

Deveradoù

• joaus
• joausaat
• joausted

Troioù-lavar

• bezañ joa ouzh unan bennak

1. • Pa degouezhas er gêr e voe joa vras outañ ; [...]., — (Fañch an Uhel, Kontadennoù ar Bobl/3, Al Liamm, 1988, p. 31.)

• diskouez joa ouzh unan bennak
• kaout joa ouzh unan bennak : karet unan bennak

1. • O Agnezig ! me am eus joa ouzit te ! — (Loeiz ar Floc'h, Trubuilhou ar seiz potr yaouank, 1927, p. 48.)

• kaout joa ouzh un dra bennak : kaout plijadur gant un dra bennak, en abeg da un dra bennak
• ober joa : ebatal
• ober joa da unan bennak
• tridal gant ar joa

Troidigezhioù

• galleg : joie ^(fr)
• galleg : adieu ^(fr) , au revoir ^(fr)