lakaat unan da ober un dra bennak

Brezhoneg

Etimologiezh

Savet diwar ar verb lakaat, ar raganv unan, an araogenn da, ar verb ober hag un dra bennak.

Troienn verb

lakaat unan da ober un dra bennak /Distagadur ?/

1. Ober da unan bennak ober un dra bennak
   • — Gouzout a rez e c'hallan, gant eur ger, lakat al loened da zrailhan ac'hanout ! — (Yann-Vari Perrot, Bue ar Zent, Montroulez, 1912, p. 78.)
   • Den ne rê van eus ar spont iskiz a lakee Herri da grenan ken ma strake e zent en e benn. — (Erwan ar Moal, Pipi Gonto, Kemper, 1925, p. 12.)
   • — Lakait-eñ da devel. Ne welit ket emañ e dalc'h an diaoul ? a youc'has an itron. [...]. — (Langleiz, Romant ar Roue Arzhur/levrenn I : Marzhin, Al Liamm, 1975, p. 24.)
2. Ober da un dra bennak ober un dra bennak
   • Ar gwel eus an arched-se a lakeas ur soñj all da zont en o fenn. — (Lan Inizan, Emgann Kergidu 1, Brest, 1877, eil emb. Al Liamm 1977, p. 30.)
   • ... netra ne viro ouzhin da lakaat va spered da soñjal e Doue ha [na?] va c’halon d’her c’haret betek va huanad diwezhañ. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 213.)
   • Na laka ket an dismegans da gouezan warnon. — (Yann-Vari Perrot, Bue ar Zent, Montroulez, 1912, p. 177.)
   • Pa vez lakeet uïou da hori e vez red lakaad ur gont dispar. — (Jules Gros, Le trésor du breton parlé Deuxième Partie, 1970, p. 118.)
   • Ur vezh dudius a laka e gorf da skrijañ. — (Youenn Drezen, Sizhun ar Breur Arturo, Al Liamm, 1971, p. 45.)
   • En deiz-se end-eeun e c'hoarvezas er gêr vihan un darvoud a lakaas holl latennoù ar barrez da vonet en-dro : [...]. — (Jakez Konan, Lannevern e kañv ha danevelloù all, Al Liamm, 1980, p. 16.)
   • [...], traoù hag o dije, diouzh ar bruderezh, lakaet blev da greskiñ war ar pennoù-eskern e karnel Landouzan. — (Pêr Denez, Glas evel daoulagad c'hlas na oant ket ma re, Al Liamm, 1979, p. 29.)

Krennlavaroù

• N'eo ket bleo melen na koantiri
  eo a laka ar pod da virvi ! — (Jarl Priel, Ar Vatez vihan, Sav niv. 29, Diskar-amzer 1944, p. 28.)
• N'eo ket koantiri a laka ar pod da virvi. — (Jules Gros, Le trésor du breton parlé Deuxième Partie, 1970, p. 424.)
• N'eo ket koantiri a laka ar pod da virviñ. — (Jules Gros, Le trésor du breton parlé Deuxième Partie, 1970, p. 424.) — (Jules Gros, Le trésor du breton parlé Troisième Partie, 1974, p. 311.)

Troidigezhioù

1. galleg : faire faire quelque chose ^(fr) (à qqu ou qqc)
2. saozneg : make somebody do something ^(en) , make something do something ^(fr)