muzelloù
Brezhoneg
Etimologiezh
- Savet diwar an anv-kadarn muzell hag an dibenn-ger -où.
Anv-kadarn
muzelloù /myˈzɛlu/
- Furm lies an anv-kadarn muzell.
- An den-mañ a azezas, mes ne reas nemet stokañ ouzh e vuzelloù ar pezh a oa degaset dezhañ. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 50.)
- Netra ne finve enne nemet o muzellou. — (Erwan ar Moal, Pipi Gonto, Kemper, 1925, p. 10.)
- Kaset he devoa beg he bizied mistr divaneget d'he muzelloù, hag o astennet davetañ, goude-se, prim. — (Youenn Drezen, Sizhun ar Breur Arturo, Al Liamm, 1971, p. 32.)
- Seblantout a rae aet, pell diouzhoc'h, d'ur bed all ha komz a vouezh izel, rak fiñval a rae e vuzelloù, evel evitañ e-unan, ouzh tud a wele-eñ, met na welec'h ket c'hwi. — (Abeozen, Pirc'hirin Kala-Goañv, Al Liamm, eil emb. 1986, p. 12.)
- Kemer a reas hec'h amzer eta, oc'h ober ar gerioù gant he muzelloù pa c'halle, ... — (Roparz Hemon, Ho kervel a rin en noz ha marvailhoù all, Al Liamm, 1970, p. 20.)
- An itron Dursley a eve he banne goustad etre he muzelloù. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 11.)
- « Ha te, Lan, penaos 'mañ kont ganit e Kergoneg ? » eme lfig Gloagen, ur mousc'hoarzh gantañ war e vuzelloù. — (Youenn Kervalan, Dremmoù Arrasate, Embannadurioù Al Lanv, 2009, p. 26.)
- Pennoù teñval, muzelloù serr, dremmoù kloz... — (Goulc'han Kervella, Brezel ar Rigadell, Al Liamm, 1994, p. 15.)
- Evel-se int deuet da genlabourat gant tud « Dastum » a vez o redek ar maezioù evit kutuilh diwar muzelloù ar vrezhonegerien kaerañ bleunioù hol lennegezh dre gomz. — (Fañch Peru, Kañfarded Milin ar Wern, Skol Vreizh, 2008, p. 50.)
- ..., ha santout a ran c'hoazh war va muzelloù blaz c'hwerv an delienn lore ... — (Jarl Priel, Va Zammig Buhez, Al Liamm, 1954, p. 66.)
- Divougenn ha muzelloù Lotea a oa savet warno bleunioù, livrin e-giz ar brulu ; ... — (Jakez Riou, Geotenn ar Werc'hez ha danevelloù all, Al Liamm, 1957, p. 14.)