peurdremened

peurdremened

1. amzer-verb a glot gant un amzer-dremened a zo deuet a-raok an amzer-dremened kemeret da ziazez er frazenn

   d'ober peurdremened ar verb bezañ:

   • Louis ar Poder eus Treduder a oa diwezhañ gwiader a oa bet er vro. — (Jules Gros, Le trésor du breton parlé Deuxième Partie, 1970, p. 126.)
   • — [...] ; mar karjen bezañ aet d'ar skol gantañ n'oan ket bet ken nec'het ha ma ma 'z on bremañ. — (Lan Inizan, Emgann Kergidu 1, Brest, 1877, eil emb. Al Liamm 1977, p. 60.)
   • Eur pennad mat e oan bet oh ober ma zro. — (Jules Gros, Le trésor du breton parlé Deuxième Partie, 1970, p. 406.)
   • Ouz e gaoud (hen kaoud) e oas bet ? — (Jules Gros, Le trésor du breton parlé Première Partie, 1966, p. 217.)
   • Neuze e oas bet ouz o haoud ? — (Jules Gros, Le trésor du breton parlé Deuxième Partie, 1970, p. 236.)
   • Ne oas ket bet o kaoud ar maer ? — (Jules Gros, Le trésor du breton parlé Troisième Partie, 1974, p. 196.)

   d'ober peurdremened ar verb kaout:

   • Ur mab en devoa bet ivez, met marvet e oa d'an oad a driwech vloaz. — (Fañch an Uhel, Kontadennoù ar Bobl/3, Al Liamm, 1988, p. 25.)
   • Ar paotr-se a oa d'ar wreg-mañ diwezhañ en devoa bet, — (Jules Gros, Le trésor du breton parlé Deuxième Partie, 1970, p. 126.)
   • Pep hini anezho en devoa bet un tamm gwerzh-butun. — (Jules Gros, Le trésor du breton parlé Troisième Partie, 1974, p. 131.)
   • Eur pred mad ho-poa bet ? — Ya. 'vat, paotr, eur pred-eureud na vez ket gwelloh. — (Jules Gros, Le trésor du breton parlé Deuxième Partie, 1970, p. 429.)
   • Ma he-dije tapet honnez ahanout az-poa bet eur pred diganti. — (Jules Gros, Le trésor du breton parlé Deuxième Partie, 1970, p. 429.)
   • Me am-oa bet eur gwall lamm en deiz all. — (Jules Gros, Le trésor du breton parlé Deuxième Partie, 1970, p. 192.)
   • An aluzenn-ze am-oa bet digand Annaïg. — (Jules Gros, Le trésor du breton parlé Deuxième Partie, 1970, p. 47.)
   • Ma n'am-bije ket erbedet ma gwenneien n'am-oa ket bet a êz da zevel an ti-mañ. — (Jules Gros, Le trésor du breton parlé Deuxième Partie, 1970, p. 150.)

   d'ober peurdremened ar verb ober:

   • N'eo ket c'hwi ho-poa graet an taol, eo (geo) ? – Geo. – Nann. — (Jules Gros, Le trésor du breton parlé Troisième Partie, 1974, p. 198.)
   • Gwashañ tra en devoa graet e oa mont da Bariz — (Jules Gros, Le trésor du breton parlé Troisième Partie, 1974, p. 243.)
   • M'ho-pije klevet gwasad todillon e-nevoa greet hennez ! — (Jules Gros, Le trésor du breton parlé Deuxième Partie, 1970, p. 195.)
   • Mar ho-pije klevet gwasad todïon e-nevoa graet hennez... (e vijec'h bet spontet). — (Jules Gros, Le trésor du breton parlé Troisième Partie, 1974, p. 249.)

   d'ober peurdremened ar verb mont:

   • Da drizeg vloaz e oan eet er-mêz (euz) ar vro. — (Jules Gros, Le trésor du breton parlé Première Partie, 1966, p. 123.)
   • Gant honnez e oan eet da vatez bugale. — (Jules Gros, Le trésor du breton parlé Première Partie, 1966, p. 180.)
   • Penegwir e oan eet di d'ar meurz. — (Jules Gros, Le trésor du breton parlé Première Partie, 1966, p. 123.)
   • Neuze e oas eet d'o haoud ? — (Jules Gros, Le trésor du breton parlé Deuxième Partie, 1970, p. 236.)
   • War da droad e oas eet di ? — (Jules Gros, Le trésor du breton parlé Deuxième Partie, 1970, p. 358.)
   • Da betra e oas eet d'ober ze ? — (Jules Gros, Le trésor du breton parlé Deuxième Partie, 1970, p. 360.)
   • Anez da ze ne oam ket eet da haloupat keit-se. — (Jules Gros, Le trésor du breton parlé Première Partie, 1966, p. 12.)
   • Eun nozvez e oam eet d'ober eun tamm tro d'ar porz. — (Jules Gros, Le trésor du breton parlé Deuxième Partie, 1970, p. 543.)

   d'ober peurdremened ar verb chom:

   • Pell a oa e oa chomet tud Marc'h war e lerc'h, [...]. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 40.)
   • [...] mar karjent bezañ chomet sioul hag e peoc'h ne vije c'hoarvezet droug ebet ganto. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 166.)
   • Un noz, goude koan, e oant chomet da dommañ e-tal an tan. — (Fañch an Uhel, Kontadennoù ar Bobl/3, Al Liamm, 1988, p. 123.)

   d'ober peurdremened ar verb dont:

   • Setu e oamp deuet a-raok hep bezañ achuet hon devezh. — (TBP?, p. ?.)

   d'ober peurdremened ar verb lakaat:

   • Fañch en devoa lakaet mezh din-me e-ti ar maer, — (Jules Gros, Le trésor du breton parlé Deuxième Partie, 1970, p. 303.)
   • Ma Doue benniget!
     Pebezh torad filiped!
     Triwec’h vi am boa laket
     Ha naontek filip am eus bet.
     

   d'ober peurdremened ar verb lavarout:

   • « [...] ? Lavaret ho poa d' in e vijen paeet ker mat ha ma karjen. [...].» — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 186.)
   • Petra, Intañvez, lavaret az poa e rojes dorn din da skaotañ traoù-lein ? — (Jarl Priel, Kleñved an Togn, Al Liamm - Tir na n-og, 1952, p. 22.)
   • — Feiz ! mamm, lavaret ho poa din en em lakaat klenk ha brav, ha setu perak ez on bet pignet amañ da gluchañ er billig ! — (Marsel Klerg, Faltazi an amzerioù kent, Mouladurioù Hor Yezh, 1999, p. 141.)

   d'ober peurdremened verboù all :

   • Lavaret az poa d'iñ e oaz goest d'am zikour,
     Hag am lezez bremañ, heb ober da labour... — (Charlez Gwennou, Santez Trifina, Montroulez, 1899, p. 54.)
   • Te eo az-poa distaget ar c'hi, kwita ? - Ya, me eo - N'eo ket, n'eo ket me. — (Jules Gros, Le trésor du breton parlé Troisième Partie, 1974, p. 198.)
   • Hennezh en devoa sachet e fri a-dreñv, — (Jules Gros, Le trésor du breton parlé Deuxième Partie, 1970, p. 167.)
   • Hennezh en devoa torret gwalezenn e gein o kouezhañ eus e sav-sonn, — (Jules Gros, Le trésor du breton parlé Deuxième Partie, 1970, p. 457.)
   • Hennezh en devoa gounezet tregont mil lur gant e rouejoù en ur ober eizhtez, — (Jules Gros, Le trésor du breton parlé Deuxième Partie, 1970, p. 385.)
2. peurdremened ar stumm-boaz
   • Pa'm beze diskolpennet ur pezh tamm bara e klenken anezhañ em c’hrubuilh, TBP 3/193