skignañ

Brezhoneg

Etimologiezh

Amprestet digant al latin ēscendere « sevel »

Da geñveriañ gant ar verb kembraek ysgeintio.

Verb

skignañ /ˈskĩɲã/ verb kreñv eeun (anv-gwan-verb : skignet) (displegadur)

1. Reiñ tro-dro
   • ...ne reont forzh peseurt gevier da skignañ en-dro dezho , SKKR 245
   • Skignet e voe paperoù e-touez ar skolidi, ... — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 317.)
2. Reiñ (ur c'heloù) da anavezout, da glevout tro-dro
   • ..., ha skignet gant lorc'h dre Vro-Gernev a-bezh, an eñvor eus meur a hini anezho hag eus ar c'hrogadoù bet gounezet ganto. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 33.)
   • Al leorig bihan-se a zo ar ouiziegez skignet eus a Vreiz goude dre ar bed holl. — (G. MILIN, Gwechall-goz e oa..., Kemper, 1924, p. 82.)
3. Reiñ ur c'hwezh da glevout tro-dro
   • Ha flaer ar bouc'h ganto, trec'h da c'hwezh ar bezhin skignet war an traezh bev. — (Goulc'han Kervella, Brezel ar Rigadell, Al Liamm, 1994, p. 11.)
   • Ar frond tanav skignet el liorzh a oa heskinus en abardaez-noz. — (Jakez Riou, Geotenn ar Werc'hez ha danevelloù all, Al Liamm, 1957, p. 24.)
4. Lakaat un abadenn da vezañ diskouezet war ar skinwel.
   • En hañv 2023 e oa bet filmet an 13vet koulzad kostez Makedonia hanternoz ha Makedonia kostez Gres, e miz Genver 2024 e vo skignet. — (Manon Deniau, pennad Arc'hant roet d'ar c'hevredigezhioù gant gounezerien Foeterien, Ya!, niv. 959, 2023, p. 4.)

Deveradoù

• skignadenn
• skigner
• skignerezh

Gerioù kevrennek

• adskignañ

Troidigezhioù

1. galleg : (se) disperser ^(fr) , (s')éparpiller ^(fr) , (se) répandre ^(fr)
2. galleg : propager ^(fr)
3. galleg : émettre ^(fr)
4. galleg : diffuser ^(fr)