skol

Brezhoneg

Etimologiezh

Meneget er C'hatholicon (1499): scol.

Amprestet digant al latin scola.

Da geñveriañ gant ar gerioù ysgol e kembraeg, skol e kerneveureg ha scoil en iwerzhoneg.

Anv-kadarn

skol /ˈskoːl/, /ˈskɔːl/ benel (liester : skolioù)

1. Ti ma vez kelennet bugale pe skolidi
   • bugale ar skol, rener ar skol, porzh ar skol

     Paotred ar skol a youc'h war lein ar wrac'hell ha drammoù a ruilh d'an traoñ ; [...]. — (Jakez Riou, Geotenn ar Werc'hez ha danevelloù all, Al Liamm, 1957, p. 34.)

   • mont d'ar skol:

     Mar karjen bezañ aet d'ar skol gantan n'oan ket bet ken nec'het ha ma'z on bremañ. — (Lan Inizan, Emgann Kergidu 1, Brest, 1877, eil emb. Al Liamm 1977, p. 60.)

     Mont d'ar skol a ranki ivez ha deski mat, ha me, neuze, am bezo sonj ac'hanout. — (G. MILIN, Gwechall-goz e oa..., Kemper, 1924, p. 42.)

   • Evel am eus lavaret, kea d'ar skol, ha, pa vezi desket mat, e klevi hano ac'hanon-me. — (G. MILIN, Gwechall-goz e oa..., Kemper, 1924, p. 43.)

   • O vezañ n'aen ken d'ar skol, goude kreisteiz e chomen e-pad an hanter-devezh en he c'hichen, o lenn eviti levrioù a blije dezhi : [...]. — (Jarl Priel, Va Zammig Buhez, Al Liamm, 1954, p. 41.)

   • bezañ bet er skol

     He fried 'vat ne ouie, koulz eo lavarout, na bu na ba, rak o vezañ m'en devoa kollet tad ha mamm e-vihanik ne oa bet er skol nemet tri pe bevar miz. — (Jarl Priel, Va Zammig Buhez, Al Liamm, 1954, p. 16.)

2. al labour kelenn dre vras
   • ober skol da unan bennak

Deveradoù

• diskol
• diskoliañ
• skolaat
• skolaer
• skolaj

• skolajer
• skolajiñ
• skolan
• skoliad
• skoliañ

• skoliata
• skoliataer
• skolier
• skolius

Gerioù kevrennek

• bloavezh-skol
• ehan-skol
• mestr-skol
• skol-louarn
• skol-vamm

• skol al louarn
• skol-veur
• skol-vistri
• ti-skol

Troioù-lavar

• ober skol louarn

Troidigezhioù

• alamaneg : Schule ^(de)  benel
• arabeg : مَدْرَسَة ^(ar) (madrasa)  benel
• esperanteg : lernejo ^(eo)  ; skolo ^(eo)
• euskareg : eskola ^(eu) , ikastola ^(eu) , ikastetxe ^(eu)
• galleg : école ^(fr)  benel
• gresianeg : σχολείο ^(el) (skholeío)  nepreizh
• italianeg : scuola ^(it)  benel
• iwerzhoneg : scoil ^(ga)  benel
• kembraeg : ysgol ^(cy)  benel
• kerneveureg : skol ^(kw)  benel

• luksembourgeg : Schoul ^(lb)  benel
• nederlandeg : school ^(nl)  benel
• okitaneg : escòla ^(oc)  benel
• poloneg : szkoła ^(pl)  benel
• portugaleg : escola ^(pt)  benel
• romañcheg : scola ^(rm)  benel
• saozneg : school ^(en)
• skoseg : sgoil ^(gd)  benel
• spagnoleg : escuela ^(es)  benel
• turkeg : okul ^(tr)
• vietnameg : trường ^(vi)

Daveoù

Roll an daveoù :