daoulin
Brezhoneg
Etimologiezh
- Diwar an anv-gwan pegementiñ daou hag an anv-kadarn glin.
Furm anv-kadarn
daoulin /ˈdɔwlĩn/ daouder gourel (furm vihanaat : daoulinig, liester : daoulinoù)
- (Korfadurezh) Daouder an anv-kadarn glin
- Hag e em lakaent war o daoulin dirak ar vazh, hag e pedent Doue ma teuje da dougen delioù. — (Fañch an Uhel, Kontadennoù ar Bobl/1, Al Liamm, 1984, p. 99.)
- — Me az ped war bennoù ma daoulin, ro din anezhañ. — (Fañch an Uhel, Kontadennoù ar Bobl/2, Al Liamm, 1985, p. 239.)
- Neuze al laer bras a reas kant gwezh, hep paouez, tro an daol vras war bennoù e daoulin noazh. — (Fañch an Uhel, Kontadennoù ar Bobl/3, Al Liamm, 1988, p. 64.)
- Ar vamm a dap penn he mab war he daoulin hag em laka da glask laou dezhañ. — (Fañch an Uhel, Kontadennoù ar Bobl/5, Al Liamm, 1994, p. 121.)
- Antronoz vintin, pa 'z eas Glaodina da gas dezhañ e damm boued, her c'havas atav war e zaoulin, e zaoulagad ruz-glaou hag e zremm dilavet. — (Lan Inizan, Emgann Kergidu 1, Brest, 1877, eil emb. Al Liamm 1977, p. 43.)
- Pa ouent taolet-oll enn toull, an Aoutrou Cren, var bennou he zaoulin, a lavaraz pedennou an anaoun : [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 98.)
- Arnus a gollas ar gomz, hag e koueas war e zaoulin. — (Erwan ar Moal, Pipi Gonto, Kemper, 1925, p. 45.)
- [...]... ha c'hoaz da vihana pa n'em eus ket bet uzet treid ha divesker betek pennou va daoulin ! — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 6.)
- Pa 'z an war an douar bev em bez poan e pennoù ma daoulin. — (Jules Gros, Le trésor du breton parlé Deuxième Partie, 1970, p. 40.), — (Jules Gros, Le trésor du breton parlé Troisième Partie, 1974, p. 192.)
Deveradoù
Troioù-lavar
- bezañ war bennoù e zaoulin
- bezañ war e zaoulin
- kouezhañ d'an daoulin
- mont war e zaoulin
- mont war bennoù e zaoulin
Krennlavarioù
- Yenañ tra a zo en ti :
Pennoù daoulin an ozhac'h ha fri ar c'hi. — (Jules Gros, Le trésor du breton parlé Deuxième Partie, 1970, p. 559.), — (Jules Gros, Le trésor du breton parlé Troisième Partie, 1974, p. 307.)