genel

Brezhoneg

Etimologiezh

Kar d'ar gerioù gen-i e kembraeg, gein « ganedigezh », ro-gén-ar « ganet on bet » en heniwerzhoneg, h.a. : eus ur verb keltiek *gen-ō, deveret eus ar wrizienn hollvedel GENÄ, a gaver er gerioù जन् (jan) « genel » e sañskriteg, γέν-ος, γεν-έ-σθαι, -γνη-το-ς « ganet » en henc'hresianeg, gen-us, gi-gn-ere, gnātus aet da nātus, gen-s « gouenn » (genitiv gen-t-is), indi-gen-a, h.a. e latin, kin « gouenn » ha kind « rumm » en hensaozneg, Kind « bugel » en alamaneg, Cintu-genus anv divoutin « kentañ ganet », ha re all heñvel e galianeg, hag all, hag all^[1]

Verb

genel /ˈɡẽːnɛl/ verb kreñv eeun (displegadur)

1. Lakaat ur bugel da zont er bed, reiñ buhez d'ur bugel, pa gomzer eus maouezed pe barezed.
   • An itron a wilioudas ur pennad goude hag a c'hanas ur mab. — (Fañch an Uhel, Kontadennoù ar Bobl/3, Al Liamm, 1988, p. 60.)
   • Ne c’hano eta nemet chas ! — (Fañch an Uhel, Kontadennoù ar Bobl/1, Al Liamm, 1984, p. 207.)
   • N'eo ket a-walc'h genel ar vugale, magañ anezho a vez d'ober ivez. — (Jules Gros, Le trésor du breton parlé Deuxième Partie, 1970, p. 173.)

genel verb gwan

1. Dont er bed, bezañ ganet.
   • Met he amourouz, goude bezañ lâret he eurediñ, a zo aet en Gall hag en deus lezet ganti un aelig Doue darev da c'henel. — (Fañch an Uhel, Kontadennoù ar Bobl/1, Al Liamm, 1984, p. 260.)
   • Un deiz pa oa o vont d'an iliz e welas ur plac'h hag he devoa bet eizh a vugale diwar an avantur hag a oa darev da c'henel an navet. — (Fañch an Uhel, Kontadennoù ar Bobl/3, Al Liamm, 1988, p. 163.)
   • Penaos e c'hell an den genel, pa 'z eo kozh ? Daoust hag e c'hell mont adarre e korf e vamm hag azgenel ? — (Yann-Fañch Caer, Ar Pevar Aviel lakeat en unan, Brest, 1904, p. 40.)
   • Mevelien oc’h a-raok genel, Broad sklaved ! — (Alc'houeder Treger (Erwan Berthou, Dre an Delen hag ar C’horn-boud, Sant-Brieg, Pariz, 1904, p. 200.)

Deveradoù

• azgenel
• Azginivelezh
• ganadel
• ganadur
• ganadurezh
• ganedigezh
• genidik
• ginivelezh

Troioù-lavar

• noazh evel pa oa ganet
• bezañ bet ganet da Sadorn
• bezañ bet ganet da Sadorn da noz
• bezañ bet ganet da Sadorn goude koan
• bezañ bet ganet goude al labour graet

Troidigezhioù

Lakaat ur bugel da zont er bed

• alamaneg : gebären ^(de)
• esperanteg : naski ^(eo)
• galleg : donner naissance ^(fr) (à), mettre au monde ^(fr)
• iwerzhoneg : beir ^(ga) (tu-gra)
• kembraeg : geni ^(cy)
• hungareg : szül ^(hu)
• nederlandeg : baren ^(nl)
• poloneg : rodzić ^(pl)
• portugaleg : dar à luz ^(pt) , parir ^(pt) , gerar ^(pt)
• rusianeg : родить ^(ru)
• saozneg : give birth ^(en) , bear ^(en)
• skoseg : beir ^(gd) (tu-gra)
• spagnoleg : parir ^(es) , dar a luz ^(es)
• tchekeg : rodit ^(cs) , vzbudit ^(cs)

Dont er bed

• alamaneg : geboren werden ^(de)
• esperanteg : naskiĝi ^(eo)
• galleg : naître ^(fr)
• ido : naskar ^(io)
• italianeg : nascere ^(it)
• iwerzhoneg : beir ^(ga) (tu-gouzañv)
• latin : nascor ^(la)
• nederlandeg : geboren worden ^(nl)
• poloneg : narodzić się ^(pl) , urodzić się ^(pl)
• romañcheg : nascher ^(*)
• saozneg : be born ^(en)
• skoseg : beir ^(gd) (tu-gouzañv)
• spagnoleg : nacer ^(es)
• tchekeg : narodit ^(cs)
• turkeg : doğmak ^(tr)

Daveoù

Roll an daveoù :

• ^[1] : Lexique Étymologique des termes les plus usuels du Breton Moderne, p. 131.