kaouled

Brezhoneg

Etimologiezh

Savet diwar an anv-kadarn kaoul hag al lostger -ed.

Meneget er C'hatolikon (coulet).

Da geñveriañ gant ar gerioù kowles « kaouled ; jelaenn » e kerneveureg ha ceuled « kaouled ; jelaenn » e kembraeg.^[1]

Anv-kadarn

kaouled /ˈkɔwlɛt/ strollder, unanderenn kaouledenn.

1. Hollad kalzennoù deuet eus ul liñvenn organek (d.s. al laezh) pa zeu da gaoulediñ.^[2]
2. (Louzawouriezh) Plant a gaver stank el liorzhoù e Breizh, o anv spesad Hydrangea macrophylla, dezho bleuñv glas pe roz.^[2]

   • Mailhuret ‘n un davañjer gozh

   Da c’holoet a zelioù beuz ha roz-kaouled — (Añjela Duval, Oberenn glok Anjela Duval, Marv va c'hi kozh, p. 461.)

3. (Hinouriezh) Seurt koumoul ruz-glas eus ar spesad sirrokumulus.

Gerioù heñvelster

1. pouloud
2. hortensia, gwez-bokedoù-rouanez
3. sirrokumulus

Deveradoù

• kaouledadur
• kaouledek
• kaouleder
• kaouledigenn
• kaouledigezh
• kaoulediñ, kaouledañ
• kaouledus

Gerioù kevrennek

• bleuñv-kaouled
• fleurenn-gaouled
• roz-kaouled

Troidigezhioù

Hollad kalzennoù deuet eus al laezh-tro

• galleg : caillebotte ^(fr)

Spesad hortensia

• galleg : hydrangées ^(fr) , hydrangelles ^(fr)

Daveoù

Roll an daveoù :

• ^[1] : Dictionnaire étymologique du breton, 2003, p. 425.
• ^[2] : Geriadur Brezhoneg An Here