kilpenn
Brezhoneg
Etimologiezh
- Savet diwar an daou anv-kadarn kil ha penn.
Anv-kadarn
kilpenn /ˈkilpɛn/ gourel (liester : kilpennoù)
- (Korfadurezh) Rann eus ar penn a-dreñv ar gouzoug hag e traoñ ar c'hlopenn
- Ma mammig a gouezhas, he c'hilpenn a skoas rust gant korn maen an oaled, ar gwad a flistras... — (Herve ar Gall, Koulz ar c'hastrilhez, Embannadurioù Al Liamm, 2008, p. 81.)
- Ruz betek e gilpenn, tenn e anal, daoulinet en deus e-kreiz leurenn ar chapel, ... — (Youenn Drezen, Sizhun ar Breur Arturo, Al Liamm, 1971, p. 68.)
- A-bik e save e vlev war e gilpenn. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 214.)
- ..., digor-bras e zaoulagad, pennad blev, dremm ha dilhad leun a bri, e gilpenn leun a wad. — (Youenn Kervalan, Dremmoù Arrasate, Embannadurioù Al Lanv, 2009, p. 50.)
- An Ankou zoken, an Ankou ne gred ken tostaat outañ, rak klasket en deus div wech e bakañ, ha div wech ivez e tognas e falc'h war e gilpenn. — (Jarl Priel, Va Buhez e Rusia, Al Liamm, 1955, p. 15.)
Gerioù heñvelster
Deveradoù
Troioù-lavar
Troidigezhioù
- galleg : arrière de la tête (fr) , nuque (fr)
Gwelet ivez
- Ar pennad « kilpenn » e-barzh Wikipedia
