krampouezhenn

Brezhoneg

Etimologiezh

Savet diwar ar strollder krampouezh hag an dibenn-ger -enn.

Furm anv-kadarn

krampouezhenn /krãmˈpweː(z)ɛn/ unanderenn benel (strollder : krampouezh)

1. Unanderenn ar strollder krampouezh.
   • Kinnig a reer din mont ouzh taol asambles gant ar chef, setu e tebran daou hanter bomelo hag ur grampouezhenn goñfitur paravis d'ur mestr-keginer tagnous, it da c'houzout perak. — (Yann Gerven, Brestiz o vreskenn, Al Liamm, 1986, p. 26.)
   • Ur grampouezhenn etre nav, ha c'hoazh e oa manet un tamm brav ! — (Jules Gros, Le trésor du breton parlé Deuxième Partie, 1970, p. 279.)
   • Pep krampoezenn a oa ker ledan ha leur-gear Landerne, ... — (G. MILIN, Gwechall-goz e oa..., Kemper, 1924, p. 70.)
   • Ne ris ket kalz a van ouzh he daeroù, rak gouelañ druz a rae pa gare, da skouer pa c'hwite war ur grampouezhenn, [...]. — (Jarl Priel, Va Buhez e Rusia, Al Liamm, 1955, p. 5.)
   • — « .... Ar marichal a zo deuet en-dro, pladet dezhañ e figur evel ur grampouezhenn. ... » — (Jakez Riou, An Ti Satanazet, Skridoù Breizh, 1944, p. 124.)

Deveradoù

• krampouezhennoù

Troioù-lavar

• cheñch tu d'e grampouezhenn
• distreiñ e grampouezhenn da unan bennak
• distreiñ e grampouezhenn da unan bennak
• krampouezhenn bardon
• lardañ e grampouezhenn da unan bennak
• soursial ouzh e bemp krampouezhenn
• treiñ ar grampouezhenn
• treiñ e grampouezhenn

Krennlavarioù

• Ne vo ket bras lod pep hini :
  Hemañ a zo evel ur grampouezhenn etre nav c'hi. — (Jules Gros, Le trésor du breton parlé Troisième Partie, 1974, p. 309.)

Troidigezhioù

• galleg : crêpe ^(fr)