krennlavar
Brezhoneg
Etimologiezh
- Ger kevrennek savet diwar ar rakger krenn- hag an anv-kadarn lavar[1].
- Meneget eo e-barzh Geriadur ar Gonideg (1847, pajenn 648a) evel Krenn lavar.
Anv-kadarn
krennlavar /krɛnˈlɑː.var/ gourel (liester : krennlavaroù, krennlavarioù)
- Lavar berr sonnet a vez disklêriet un ali, ur gentel pe ur wirionez ennañ.
- Anavezet eo dre amañ bepred ar c'hrennlavar kozh
An tan e Kelern,
Ar reuz e Meilh-ar-Wern. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 12.) - Gouzout a ouie hon tud-kozh taolenniñ doare ur vro e berrgomzoù hag anavezet-mat eo c'hoazh ar c'hrennlavar-mañ savet ganto :
An tri dra na c'hell ket an Aotrou Doue ober a zo
Kompezañ Brasparz,
Diradenañ Plouie
Ha d........ añ Poulaouen. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 14.) - Hogen « ne zeu morse ar c'heuz a-raok met atav war-lerc'h », hervez ur c'hrennlavar fur anavezet-mat gant ar Vretoned. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 26.)
- Dreist pep tra e plije al « lagout » da Von Dremel, ha hervez ar c'hrenn-lavar, mab e vamm a oa Kadiou. — (Jarl Priel, Va Zammig Buhez, Al Liamm, 1954, p. 47.)
- [...], ha peogwir, en desped d'ar c'hrennlavar ne ziskoueze ket va c'hazhig bezañ ur c'hac'her aour daoust d'e grev du-peg hep an disterañ marell, ret e oa din 'ta tunañ e tu bennak ar c'hwec'h kant lur n'hellen ket tremen hepdo. — (Jarl Priel, Va Buhez e Rusia, Al Liamm, 1955, p. 8.)
- Bez 'eus gwrac'hed hag a fell dezho ober war-dro ar re glañv ; daoust ha n'eo ket digant unan diouto am befe klevet ar c'hrenn-lavar-mañ :
Pa vez ar boan en he gwashañ
E vez dare ar gor da ziskargañ ? — (Jarl Priel, Va Buhez e Rusia, Al Liamm, 1955, p. 17.)
- Anavezet eo dre amañ bepred ar c'hrennlavar kozh
Deveradoù
Troidigezhioù
Gwelet ivez
- Ar pennad « krennlavar » e-barzh Wikipedia
Daveoù
Roll an daveoù :
- [1] : (e galleg) Krenn- el lec'hienn Arbres:Le site de grammaire du breton.