mall

Brezhoneg

Etimologiezh

→ Etimologiezh da glokaat (Ouzhpennañ)

Anv-kadarn

mall /ˈmalː/ gourel

1. Tizh.
   • Ober un dra gant 'mall.
2. bezañ mall ober un dra bennak:
   • Mall a oa : tud, eur grugell anezo, a skoe endra 'c'hellent war an nor [...]. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 12.)
   • mall zo
   • Bezañ mall da un den ober un dra: poent
   • Bezañ mall war un den ober un dra: poent
   • mall eo : poent eo
3. Bezañ mall gant unan bennak ober un dra bennak:
   • 'Mall eo ganin briata ac’hanout war va c’halon. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 17.)
   • Goude-ze, me a yeas d’ar gêr mall ganin gwelout an deiz war-lerc’h, rak Lan en devoa lavaret d’in ar pez a raje antronoz. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 80.)
   • Bremañ me a zo mall ganin ober eun dra bennak evidoc’h ivez, ma vezo sioul ha didrabas ho kozni. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 148.)
   • Distanket warnañ, hemañ a voe mall' gantañ tec’hout hep lavarout tamm kenavo da zen. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 140.)
   • ... me ’zo mall ganin kousket eur banne. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 266.)
4. Bezañ mall war unan bennak:
   • Seza, mall warni, a ziskennas dre ar wenodenn da vont da glask dornerien all. — (Jakez Riou, Geotenn ar Werc'hez ha danevelloù all, Al Liamm, 1957, p. 32.)
   • Ma teuas Satanaz d’e gavout, mall war e groc’hen rouzet. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 15.)
   • Spontet-holl (ha piou ne vije ket bet ?), e tec’has ar merc’hed kuit, mall warno, e c’hellit kredi. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 253.)
   • Met an daou-all a dec’h kuit, 'mall war o ler, a c’hellit kredi. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 278.)
5. Bezañ mall war unan bennak da ober un dra bennak :
   • Mall zo warno da zivorza o divesker. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 45.)
   • Mall ha mall a veze atao warnezañ da rei skoazell d’an dud. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 11.)
   • Distaga he nask he deus graet kredabl ; mall a oa warnezi da vont da gavout Godig. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 94.)
   • Mall a zo war an dud da zigouezout evit kaout bep a gador, rak rouez int. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 106.)

Troioù-lavar

• mall bras
• bezañ mall:
  • mall eo
  • mall zo
• kaout mall
• kaout mall

Deveradoù

• divall
• mallus