muioc'h-mui
Brezhoneg
Etimologiezh
- Ger kevrennek savet diwar an daou adverb muioc'h ha mui (e gwirionez mui, oc'h ha mui, evel gwell-oc'h-gwell).
Adverb
muioc'h-mui /ˌmɥiɔɣˈmɥiː/
- mui-oc'h-mui.
- E-pad m'edon o kontañ, e welen dremm Jañ-Mari o laouenaat muioc'h-mui dre ma 'z aen, hag e lagad lemm o virviñ en e benn. — (Lan Inizan, Emgann Kergidu 1, Brest, 1877, eil emb. Al Liamm 1977, p. 67.)
- Ar remm a groge enni muioc'h-mui. — (Jakez Riou, An Ti Satanazet, Skridoù Breizh, 1944, p. 50.)
- « [...]. Da gomzou c'houero a ra d'ezi gouela muioc'h-mui. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 35.)
- [...], ur bourd e oan krog da vezañ faezh gantañ, met plijout a rae muioc'h-mui d'an admiral, deut a-benn, moarvat, da c'houzout ar fentigell-se dre 'n envor ha war hec'h hed. — (Jarl Priel, Va Zammig Buhez, Al Liamm, 1954, p. 104.)
- Met a-benn ur pennad e welas e teue al liñser war-raok hag e tostae muioc'h-mui ouzh an hent. — (Abeozen, Pirc'hirin Kala-Goañv, Al Liamm, eil emb. 1986, p. 127.)
- Kaourintin en em stardas muioc'h-mui. — (Herve ar Gall, Koulz ar c'hastrilhez, Embannadurioù Al Liamm, 2008, p. 59.)
- [...] ha muioc'h-mui ivez a dud gwelloc'h gante oferenn an diaoul e Tavarn ar Pont Du eget hini an aotrou person. — (Ernest ar Barzhig, Minna ha danevelloù all..., Mouladurioù Hor Yezh, 1988, p. 102.)
Gerioù heñvelster
Troidigezhioù
- galleg : de plus en plus (fr)
- saozneg : more and more (en)
- spagnoleg : cada vez más (es)