studi

Brezhoneg

Etimologiezh

Savet diwar ar verb latin studire.

Anv-kadarn

studi /ˈstyːdi/ benel (liester studioù)

1. An deskiñ, al labour evit deskiñ pe greskiñ e anoudegezh eus gouiziegezhioù 'zo.

2. Bezañ war ar studi, war e studi : bezañ o studiañ en ur skol ; gwechall : o studiañ evit mont da veleg.
   • Gwechall, pa oan war va studi er skolaj, d'an naontek a viz Mae e tirede holl barrezioù ar c'horn-bro, ... — (Jarl Priel, Va Zammig Buhez, Al Liamm, 1954, p. 52.)
   • Erwan Pennaoroz en deus bet keloù digant e niz Goulc'han Gwezenneg hag a zo, en Naoned, war ar studi louzaouer.^[1]
   • Padout a ra skol an iliz kalz hiroc'h eget ar skolioù all, nemet evit ar re a zo war o studi. — (Tad Medar, An Tri Aotrou, 1981, p. 97.)
   • « Anavezout a rit va niz, an hini a zo war e studi e Kemper ? » — (Jakez Konan, Lannevern e kañv ha danevelloù all, Al Liamm, 1980, p. 34.)
3. (lec'h) burev:
   • studi-noter
4. mont gant e studi:
   • ..., daoust ha ma vefe ret din tremen gant bara sec'h, netra ne vo kemmet e stad ar c'hrennard-mañ ha derc'hel a raio da vont gant e studi, keit ha ma chomin yac'h. — (Jarl Priel, Va Zammig Buhez, Al Liamm, 1954, p. 64.)
5. tud a studi: tud o deus bet studiet kalz, tud desket, kelennerien a-wechoù.

Deveradoù

• studiañ
• studiadenn
• studienn

• studier
• studiet

Deveradoù

• burev-studi
• sal-studi

• kambr-studi
• studi-noter

Troidigezhioù

• alamaneg : Studium ^(de)
• esperanteg : studado ^(eo)

• galleg : étude ^(fr)
• saozneg : study ^(fr)

Furm verb

1. eus ar verb studiañ

   • Hennezh a studi brezhoneg ha ne studi ket galleg.

Daveoù

Roll an daveoù :

• ^[1] : Brogarour, Onenn, 1936, p. 63.