abardaez

Brezhoneg

Etimologiezh

Meneget er C'hatholicon (1499): abretdahez.

Savet diwar abred hag ahez (hez).

Anv-kadarn

abardaez /ˌabarˈdaɛ(s)/, /ˌabarˈdeː/; gourel (liester abardaezioù)

1. Mare eus an devezh etre an enderv hag an noz.
   • « Erru an abardaez warnomp », eme Roparzh Menguy ; ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 146.)
   • Met deuet e oa an abardaez pa zegouezhas eno hag, a-barzh m’en devoe amzer da gaout ar voujedenn ha d’ober un nebeud troioù all e kêr, e oa diwezhat mat hag en em gavet an noz. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 48.)
   • Un azen yaouank e oa, ha ken hir, ken fonnus, ken start e trompilhas e joa-bevañ : madelezh ar peuriñ, ha levenez heol an abardaez e natur Doue, ma voe stad en iliz kozh moredet en he zeñvalijenn. — (Youenn Drezen, Sizhun ar Breur Arturo, Al Liamm, 1971, p. 7.)
   • Un abardaez hañv, edo azezet el liorzh. — (Jakez Riou, Geotenn ar Werc'hez ha danevelloù all, Al Liamm, 1957, p. 31.)
2. Ar mare eus an deiz goude kreisteiz (e Treger da skouer):
   • Un devezh d'abardaez, ... — (Erwan ar Moal, Pipi Gonto Marvailhou nevez, Saint-Brieuc, 1908, p. 1.)
   • Ma ne diaez ket se ac'hanoc'hn me 'afe 'walc'h dar pardon 'vit an abardaez. — (Erwan ar Moal, Pipi Gonto Marvailhou nevez, Saint-Brieuc, 1908, p. 3.)
   • Ar meurz, an 8et a Wengolo, war dro taer heur eus an abarde, e lakjomp troad war douar an enezen vras, ha kenkent en eun tren hag a gasas ac’hanomp ’trezek Londrez. MBL
3. d'abardaez
   • D'abarde an eizved devez, e sonje an nevoa grêt war-dro pemp kant leo. — (Erwan ar Moal, Pipi Gonto, Kemper, 1925, p. 3.)
   • O welout Ifig ha Katell atav an eil gant egile, o vont brec'h-ouzh-brec'h da ober troioù hir alies d'an abardaez, ... — (Roparz Hemon, Ho kervel a rin en noz ha marvailhoù all, Al Liamm, 1970, p. 12.)
   • Seizh pe eizh vloaz he doa Levenez pa'z eas, ur sulvezh d'abardaez, gant he zad hag he mamm, da ober un dro war al Lenn. — (Roparz Hemon, Mari Vorgan, Al Liamm, eil emb. 1975, p. 81.)
4. diouzh an abardaez
   • Mont a eure atao, hag eun dervez, dioc'h an abardaez-noz, ec'h en em gavas, ... — (G. MILIN, Gwechall-goz e oa..., Kemper, 1924, p. 69.)

Stummoù all

• abardae
• abardahez
• abarde
• pardaez

Deveradoù

• abardaevezh
• abardaeziñ
• abardaez-noz

Troienn

• d'abardaez
• diouzh an abardaez
• evit an abardaez

Krennlavarioù

• An diaoul a deu da duta d'ar Sadorn d'abardaez. — (Jules Gros, Le trésor du breton parlé Troisième Partie, 1974, p. 318.)
• Diouzh an abardaez heol toull
  En deiz war-lerc'h glav (ken) a boull. — (Jules Gros, Le trésor du breton parlé Troisième Partie, 1974, p. 326.)

Troidigezhioù

• alamaneg : Abend ^(de)
• bambara : su
• esperanteg : vespero ^(eo)
• finneg : ilta ^(fi) , ehtoo ^(fi)
• galleg : fin d'après-midi ^(fr) , soir ^(fr)
• gresianeg : βράδυ ^(el) (vrádhi)
• hindeg : शाम ^(hi)
• henhebraeg : ערב
• hungareg : este ^(hu)

• ido : vespero ^(io)
• inuktitut : ᐅᓐᓄᒃ ^(iu) (unnuk)
• italianeg : sera ^(it)
• japaneg : 晩 ^(ja) (ban), 夕方 ^(ja) (yūgata)
• koreaneg : 저녁 ^(ko) (jeonyeok)
• latin : vesper ^(la) , vespera ^(la)
• nederlandeg : avond ^(nl)
• norvegeg : aften ^(no) , kveld ^(no)
• poloneg : wieczór ^(pl)

• portugaleg : tarde ^(pt) , noite ^(pt)
• rusianeg : вечер ^(ru) (vetcher)
• sámi an Norzh : eahket
• saozneg : evening ^(en)
• sinaeg : 晚上 ^(zh) (wǎnshàng)
• skoseg : feasgar ^(gd)
• spagnoleg : tarde ^(es)
• svedeg : kväll ^(sv)
• tchekeg : večer ^(cs)

Daveoù

Roll an daveoù :