darbet

Brezhoneg

Etimologiezh

Savet diwar ur verb darbout, pe darvout

Anv-gwan

darbet /ˈdarbɛt/

1. Bezañ (bet) darbet da unan/un dra bennak ober ; gant eo
   • Rinklet en deus war ar c'hinvi lampr ha darbet eo bet dezhañ kouezhañ war stern e groc'hen. — (Goulc'han Kervella, Brezel ar Rigadell, Al Liamm, 1994, p. 12.)
   • Da bet ha pet ofiser gall eo bet darbet a-c'houdevez kouezhañ a-stok o c'horf... — (Jarl Priel, Amañ hag Ahont, Al Liamm, 1957, p. 19.)
2. Bezañ darbet da unan/un dra bennak ober ; gant voe
   • Pa lennas homañ al lizher ec'h eas kement a droug enni ma voe darbet dezhi foeltriñ. — (Fañch an Uhel, Kontadennoù ar Bobl/1, Al Liamm, 1984, p. 104.)
   • Al lezvamm diaoulez a voe darbet dezhi foeltriñ gant an droug a oa enni. — (Fañch an Uhel, Kontadennoù ar Bobl/1, Al Liamm, 1984, p. 106.)
   • Ma voe darbet dezhañ koll e benn. — (Fañch an Uhel, Kontadennoù ar Bobl/2, Al Liamm, 1985, p. 138.)
   • Darbet 'voe dezhi semplañ gant ar spont. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 31.)
   • Darbet e voe dezhañ mont born, ... — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 39.)
   • Darbet e voe d'in laoskat eur skrijadenn : ... — (Erwan ar Moal, Pipi Gonto, Kemper, 1925, p. 156.)
   • Janedig a voe darbet d'ezi sempla... — (Tad Medar, Diwar c'hoarzin..., Ar Vuhez Kristen, Rosko, 1945, p. 165.)
   • [...] ma voe darbet da Laouig, en deiz all, tapa eur prosez diwar goust e sivienn. — (Tad Medar, Diwar c'hoarzin..., Ar Vuhez Kristen, Rosko, 1945, p. 168.)
   • ..., ma voe darbet d'ar breur Arturo mont e-biou hep he gwelout. — (Youenn Drezen, Sizhun ar Breur Arturo, Al Liamm, 1971, p. 21.)
   • Darbet e voe d'e veskennad rom chom a-dreuz etre e deod hag aval e c'houzoug... — (Jakez Konan, Lannevern e kañv ha danevelloù all, Al Liamm, 1980, p. 20.)
   • Tonton Vernon a voe darbet dezhañ mont a-benn e-barzh ar c’harr dirazañ. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 31.)
   • ..., al lestr a voe darbet d'ezan mont da goll ; ... — (G. MILIN, Gwechall-goz e oa..., Kemper, 1924, p. 14.)
   • ..., darbet e voe din mont war wakaat, ... — (Jarl Priel, Va Zammig Buhez, Al Liamm, 1954, p. 67.)
3. Bezañ (bet) darbet da unan/un dra bennak ober ; gant oa peurvuiañ
   • Yann ar C'herneis a oa bet darbet dezhañ, ur wech pe ziv, pignat eus an trede rumm d'an eil. — (Jakez Riou, Geotenn ar Werc'hez ha danevelloù all, Al Liamm, 1957, p. 20.)
4. Bezañ darbet da unan/un dra bennak bezañ graet ; gant oa ha heuliet gant an amzer-verb tremenet
   • Me a oa bet gloazet penegwir 'oa darbet din bezañ hopet. — (Jules Gros, Le trésor du breton parlé Première Partie, 1966, p. 28.)
   • Darbet e oa din bezañ kouezhet. — (Jules Gros, Le trésor du breton parlé Première Partie, 1966, p. 128.)
   • Darbet e oa din bezañ aet war ma fenn en aod. — (Jules Gros, Le trésor du breton parlé Première Partie, 1966, p. 238.)
   • Darbet oa din bezañ divrec'het. — (Jules Gros, Le trésor du breton parlé Deuxième Partie, 1970, p. 64.)
   • Darbet e oa din bezañ semplet gant ar spont am boa bet. — (Jules Gros, Le trésor du breton parlé Deuxième Partie, 1970, p. 488.)
   • ..., goude ma oa bet darbet dezhañ bezañ taolet d’an traoñ. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 9.)
   • En deiz all pa oant aet d'an Treoger da geureka e oa darbet dezho bezañ lipet o loaioù. — (Jules Gros, Le trésor du breton parlé Deuxième Partie, 1970, p. 319.)
   • Darbet e oa dezhañ bezañ sodet pa oa difennet outañ evañ gwin,— (Jules Gros, Le trésor du breton parlé Deuxième Partie, 1970, p. 480.)
   • Diwezhañ tro e oan bet eno e oa darbet din bezañ marvet. — (Jules Gros, Le trésor du breton parlé Troisième Partie, 1974, p. 242.)
5. menel war zarbet
6. darbedig

Evezhiadenn

Implijet gant ar verb bezañ en amzerioù eeun atav, hag en amzer-dremenet peurvuiañ

Troidigezhioù

• galleg : ^(fr)