derc'hel penn ouzh unan bennak

Brezhoneg

Etimologiezh

Diwar ar verb derc'hel, an anv-kadarn penn, an araogenn ouzh hag unan bennak.

Troienn verb

derc'hel penn ouzh unan bennak /Distagadur ?/

1. Herzel ouzh unan bennak, pennekaat ouzh unan bennak
   • Hennezh a zo droug ouzhimp-ni o vezañ ma talc'homp penn outañ. — (Jules Gros, Le trésor du breton parlé Deuxième Partie, 1970, p. 405.)
   • “Gwarded vroadel Ingrandes o deus klasket derc'hel penn ouzhimp.” — (Herve ar Gall, Koulz ar c'hastrilhez, Embannadurioù Al Liamm, 2008, p. 109.)
   • ..., ha ma kleved hiniennoù o lavaret, a vouezh uhel, oa poent derc'hel penn ouzh ar Republikaned, ha kas an divroidi d'o bro. — (Lan Inizan, Emgann Kergidu 1, Brest, 1877, eil emb. Al Liamm 1977, p. 191.)
   • – Te ‘gred dit neuze ne vo ar Maen e surentez nemet keit ha ma vo Quirrell o terc’hel penn ouzh Snape ? eme Hermione, nec’het an tamm anezhi. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 235.)
   • ..., an hanter pe war-dro eus ar re a zalc'he penn ouz map roue an Hiberni. — (G. MILIN, Gwechall-goz e oa..., Kemper, 1924, p. 31.)

Stummoù all

• delc'her penn ouzh unan bennak

Troiennoù heñvelster

• derc'hel penn da unan bennak

Troidigezhioù

• galleg : tenir tête à quelqu'un ^(fr)