diriaou

Brezhoneg

Etimologiezh

Savet diwar an daou anv-kadarn deiz ha Yaou.

Da geñveriañ gant ar gerioù dydd Iau en kembraeg, de Yow en kerneveureg

Adverb

diriaou /diˈrjɔw/

1. Termen a dalvez d'ober anv eus ur Yaou tremenet pe da zont
   • II. AN AMZERIAÑ
     [...]
     d) a verk koulz an amzer dremenet hag an amzer da zont adverboù devezhioù ar sizhun : disul, dilun, dimeurzh, dimerc'her, diriaou (dizïoù), digwener, disadorn.
     [...]. — (Frañsez Kervella, Yezhadur Bras ar Brezhoneg, Brest, 1947, 1976, p. 313, §530.)
   • Hep mar na marteze on bet gwelet ganto diriaou e trowardroioù al lise! — (Mich Beyer, Seizh Devezh Warn-ugent, An Alarc'h Embannadurioù, 2006, p. 47.)

Stummoù all

• dez yaou (?)
• diryaou
• diziou

Kanaouennoù

• A-benn diriaou e yin d'ar foar
  Ha me' breno ur mabig
  Mam, mam, mam a ray ma mabig — (Nolwenn Korbell, N'eo ket echu, Son ar plac'h n'he doa netra, 2003.)

Notenn

Ne grog ket an adverb-mañ gant un bennlizherenn evel ma ra an anv-kadarn Yaou

Troidigezhioù

• galleg : jeudi ^(fr)
• kembraeg : dydd Iau ^(cy)

• kerneveureg : de Yow ^(kw)
• saozneg : Thursday ^(en)

Distagañ

Distaget :

• /diˈrjɔw/ (pe adstummoù) dre vras e Kernev ha Gwened
• /diˈriˑo/ pe /deˈriˑo/, e Treger,
  • /de'riw/ e kanton Pontreñv
• /di'ziˑu/ e Leon
• /di'zjow/ pe /di'diˑu/ e Goueloù
• /deˈ(r)jɔw/ e Kernev-Uhel