e-harz

Brezhoneg

Etimologiezh

Araogenn gevrennek savet diwar an araogenn e hag an anv-kadarn harz.

Araogenn

Gour Furm U1 e-harz din U2 e-harz dit U3g e-harz dezhañ U3b e-harz dezhi L1 e-harz deomp, e-harz dimp L2 e-harz deoc'h L3 e-harz dezho, e-harz dezhe D e-harz deor

Gour Furm U1 em harz U2 ez harz U3g en e harz U3b en he harz L1 en hon harz L2 en ho harz L3 en o harz D en harz

e-harz /eˈhars/

1. E-kichen.
   • Bodet eo an dud e-harz ar c'hleuz, eus tu ar vereuri. — (Brogarour, Onenn, Gwengamp, 1936, p. 25.)
2. E traoñ, ouzh troad.
   • Ar vourc'hadennig-mañ, skoachet ken brav war ribl ar Stêr Aon, e-harz ur roz uhel ha koadet, uheloc'h eget beg lemm tour he ilizig peuznevez, a raed enni, a-raok ma teuas an hentoù-houarn dre amañ, an darn vrasañ eus kenwerzh an tolead. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 11.)
   • Pa zihunas abred en deiz war-lerc'h, koulskoude, kentañ a welas e oa ur bern pakadoù bihan e-harz e wele. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 208.)
   • E-harz ar skluz an dour a verv hag a eonenn ouzh ar c'herreg ; ... — (Jakez Riou, Geotenn ar Werc'hez ha danevelloù all, Al Liamm, 1957, p. 22.)
   • E-harz an aoter ez eus ur beleg gwisket e du e-giz evit lavarout oferenn an Anaon. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 22.)
   • ... pa wel e zivskouarn e laosk ur skrijadenn hag e kouezh e-harz treid e vestr o skuilhañ daeloù puilh. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 43.)
   • Gwenn, e-harz ar Menez Mouk. — (Kristian Brisson, Gwenn, e-harz ar Menez Mouk, Hor yezh, 1995.)
   • Stagan a reas eta Dienez ouz eur bod a-hed e vrid, hag hen a azeas e-harz ar weenn dero, da zibri eun tamm bara ha da zonjal er pez an nevoa d'ober. — (Erwan ar Moal, Pipi Gonto, Kemper, 1925, p. 5.)
   • En traoñ, e-harz mogerioù serzh ar manati, war skourr ur wezenn-ber, e kendalc'h an nozkaner, un eostig, gant e serenadenn. — (Youenn Drezen, Sizhun ar Breur Arturo, Al Liamm, 1971, p. 13.)
3. E-harz treid un den pe un dra (gwezenn, menez, moger)
   • En tu kleiz, ‘harz e dreid, ar stêr a zo skedus ha moredet. — (Jakez Riou, Geotenn ar Werc'hez ha danevelloù all, Al Liamm, 1957, p. 23.)
   • Ar jardin garrezek a oa moredet, e-harz treid ar c'hloareg yaouank, hag hi sioul meurbet, etre peder renkennad reizh pileroù mein ar c'hloastr. — (Youenn Drezen, Sizhun ar Breur Arturo, Al Liamm, 1971, p. 28.)
   • E-harz da dreid me 'azezo d'az selaou o komz hag o kanañ. — (Anjela Duval, Pa dec’h an Awen, 1965, e-barzh Oberenn glok, 2000, p. 292.)
   • Bizañ mat ha skeiñ eeun a reas, rak terriñ a reas e benn ouzh Glaoda, a gouezhas diwar ar c'hleuz, marv-mik, e-harz treid e vreur ha Yann Bostek. — (Lan Inizan, Emgann Kergidu 1, Brest, 1877, eil emb. Al Liamm 1977, p. 219.)
   • Hemañ a oa e-harz e dreid, staget e-giz eur penn-yer da lakaat ouz ar ber. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 37.)

Troidigezhioù

E-kichen

• galleg : près ^(fr) de, auprès ^(fr) de
• saozneg : close to ^(en) , by ^(en) , near ^(en)

E-traoñ, ouzh troad

• galleg : au bas de^(fr) , au pied de^(fr)
• saozneg : at the foot of^(en)

Gwelet ivez

• Araogennoù brezhonek, stag