e-tu

Brezhoneg

Etimologiezh

Araogenn gevrennek savet diwar e, ha tu.

Araogenn

Gour	Furm
U1	em zu
U2	ez tu
U3g	en e du
U3b	en he zu
L1	en hon tu
L2	en ho tu
L3	en o zu
D	en tu

1. araogenn a verk al lec'hiañ
2. Bezañ, chom, mont, e-tu an hanternoz.

   • Setu ama eur pennad lizer scrifet gant eun tad a gompagnunez Jesus missioner er Bengal, e tu ar c'hus-heol. F&B n° 321 25/03/1871
   • En tu ar Sav-Heol, — (Fañch an Uhel, Kontadennoù ar Bobl/1, Al Liamm, 1984, p. 190, 191.)

   • [...], e tu ar sav-heol, el lec'h ma 'z eus ur vengleuz hag a ya don a-zindan an douar. — (Lan Inizan, Emgann Kergidu 1, Brest, 1877, eil emb. Al Liamm 1977, p. 85.)
   • — [...], it du-hont da gorn ar jardin, e tu ar zao-heol, [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 266.)
   • Koad-an-Deiz a zo e tu ar Sav-heol ha Koad-an-Noz a zo e tu ar Huz-heol. — (Jules Gros, Le trésor du breton parlé Deuxième Partie, 1970, p. 263.)
   • E tu an hanter-noz. — (Jules Gros, Le trésor du breton parlé Deuxième Partie, 1970, p. 379.)
3. Lakaat udb en e du kleiz, dehou:

   • An aotrou … he lakaas en e du kleiz, — (Fañch an Uhel, Kontadennoù ar Bobl/1, Al Liamm, 1984, p. 241.)

4. 'e tu udb: en tu m'emañ an dra
   • Mez an neb en deus c'hoant e gwirionez d'o dizoloï, hennez a alian anezan d'o c'hlask e tu ar boued. — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 19.)
5. Mont pep hini en e du

   • Tud a bep seurt … hag ac’h ae… pep hini en e du, — (Fañch an Uhel, Kontadennoù ar Bobl/1, Al Liamm, 1984, p. 216.)
   • …ma ‚c’h eont pep hini en e du da glask o chañs, — (Fañch an Uhel, Kontadennoù ar Bobl/3, Al Liamm, 1988, p. 141.)
   • Kemenerien ez oant o-daou, ha bemdez ec'h aent da labourat d'an tiegezhioù war ar maez, pep hini en e du. — (Fañch an Uhel, Kontadennoù ar Bobl/4, Al Liamm, 1989, p. 17.)

6. a verk ur gostezenn bolitikel
   • — Me a zo e tu ar Franz. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 95.)

Troioù-lavar

• Bezañ e tu pe du

Notenn

• Peurvuiañ e vez skrivet "e tu" e-lec'h "e-tu", evel ma skriver "e ti" aliesoc'h eget "e-ti"; koulskoude e skriver aliesoc'h "e-kichen" eget "e kichen".
• Met gant un tired pe hep hini n'eus kemm ebet etreze.

Troidigezhioù

• galleg : du côté de ^(fr)