klask

Brezhoneg

Etimologiezh

Meneget er C'hatholicon (1499): claſq.

Anv-kadarn

klask

1. • Ar c'hlask : ar mont da glask.
2. Bezañ klask (da un den, war un dra, war-lerc'h udb).
   • Klask zo dezhañ.
3. Lakaat klask.
4. Ober klask : klask.
5. Ober klask en oferenn : kestal.

Troioù-lavar

• bezañ klask war un dra
• lakaat klask war un dra

Deveradoù

• klasker
• klakerezh
• enklask

Krennlavar

• Ar c'hlask a zo frank, Ar c'haoud n'eo ket stank.

Verb

klask /ˈklask/ (anv-gwan-verb : klasket) (displegadur)

1. Ober un den hag a sell pelec'h emañ tra pe den.
   • Klaskit hag e kavfet.
   • Neb a glask a gav. Neb a glasko a gavo.
2. klask un den, ur beleg, ur medisin, ur pried, un toer, tud (gwelout tuta)
   • Ma vije bet ret din mont d'az klask az pije bet keuz. — (Fañch an Uhel, Kontadennoù ar Bobl/2, Al Liamm, 1985, p. 63.)
   • Seza, mall warni, a ziskennas dre ar wenodenn da vont da glask dornerien all. — (Jakez Riou, Geotenn ar Werc'hez ha danevelloù all, Al Liamm, 1957, p. 32.)
3. klask un dra, ul loen, loened:
   • [...] ; Hag a-us d'an nor-borzh e welas kludet an evn a glaske. — (Fañch an Uhel, Kontadennoù ar Bobl/1, Al Liamm, 1984, p. 18.)
   • [...] ; gwelet a reas evned hag a glaske o nez da gousket er brouskoajou, [...]. — (Erwan ar Moal, Pipi Gonto, Kemper, 1925, p. 127.)
   • An aotrou de la Marche a choulennas diganto petra glaskent. — (Lan Inizan, Emgann Kergidu 1, Brest, 1877, eil emb. Al Liamm 1977, p. 19.)
4. klask frouezh, kebell-touseg, kistin , sivi, (gwelout frouesha, kistina, sivia)
5. klask un dra (boued, keuneud, labour, louzoù, ur c'huzh), un den (ur beleg, ur medisin, ur pried) da unan bennak :
   • Aet eo da chaseal d’ar c’hoad Da glask deoc’h un draig bennak, — (Fañch an Uhel, Gwerziou Breiz-Izel 1, An Oriant, 1868, p. 6.)
   • Met piv ac’h aje da glask louzoù dezhañ ... — (Fañch an Uhel, Kontadennoù ar Bobl/3, Al Liamm, 1988, p. 83.)
6. klask c’hwen da ul loen, geot d’al lapined :
   • Klaskomp c’hwenennoù d’ar c’hazh, — (Jules Gros, Le trésor du breton parlé Première Partie, 1966, p. 117.)
7. klask un dra , ul lec'h d'ober un dra
   • Klask un ti all da guzhat, — (Lan Inizan, Emgann Kergidu 1, Brest, 1877, eil emb. Al Liamm 1977, p. 20.)
8. klask un den da vevel, da borzhier, da bried :
   • Klask unan all da borzhier, — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 12.)
9. klask un den da ober un dra
10. klask ober un dra

Deveradoù

• en em glask

Troioù-lavar

• klask abeg
• klask afer (ouzh unan bennak)
• klask an aluzen
• klask an Ankou (da ub)
• klask ar marc'h
• klask bara
• klask bod
• klask boued
• klask dibun d'ur gudenn
• klask e zifennoù
• klask fred
• klask gouzout
• klask gwarez
• klask kann
• klask kaout ar marc'h hag an arc'hant
• klask labour
• klask laou (da ub)
• klask e neuz
• klask ober un dra
• klask ar poell eus udb : klask kompren
• klask peadra (da unan bennak, da ober un dra bennak)
• klask peg,
• klask pemp troad d'ar maout
• klask penn, eus ub, da ub (d'ur gudenn), ouzh ub,
• klask pleg , klask e bleg d'ober un dra
• klask rev
• klask e ribinoù (da dec'hel)
• klask e riboùloù (da dec’hel) : klask tec’hel
• klask tabut (ouzh ub)
• klask toull
• klask trabas
• klask tro, klask tro da ziverrañ
  • klask an dro, klask e dro (d'ober un dra), klask kan ha kant tro, klask kammdroioù
• klask trouz,
• klask tu, klask an tu da ober un dra bennak, klask e du
• klask un den da ober un dra
• klask ur spilhenn en ur galzenn blouz
• klask ur spilhenn e-touez bernioù foenn
• klask vioù e neizhioù warlene

Krennlavarioù

• An hini a ya gand e votou war an ed
  a ya dïarc'henn da glask e voued. — (Jules Gros, Le trésor du breton parlé Troisième Partie, 1974, p. 304.)

Troidigezhioù

• galleg : chercher ^(fr)
• spagnoleg : buscar ^(es)

Furm verb

Kemmadur	Furm
hep	klask
dre vlotaat	glask
dre c'hwezhañ	c'hlask
dre galetaat	digemm
amreizh	digemm

klask /ˈklask/

1. Furm ar verb klask e trede gour unan an amzer-vremañ, en doare-disklêriañ
   • Met ar wreg-se n' ho kar ket, me hen goar mat, hag e klask zoken an tu da em dizober ouzhoc'h evit bevañ gant un all a gar muioc'h. — (Fañch an Uhel, Kontadennoù ar Bobl/1, Al Liamm, 1984, p. 179.)
   • — Labour petra ? An hini ma klask labour a gav ma kar... — (Goulc'han Kervella, Brezel ar Rigadell, Al Liamm, 1994, p. 105.)
2. Furm ar verb klask en eil gour unan an doare-gourc'hemenn
   • — Nann, ma breurig paour, klask din hepken ur bannac'h laezh fresk, ha me ' gred e raio vad din. — (Fañch an Uhel, Kontadennoù ar Bobl/2, Al Liamm, 1985, p. 92.)
   • — Klask keuneud d'am mamm, a zo er gêr. — (Fañch an Uhel, Kontadennoù ar Bobl/3, Al Liamm, 1988, p. 110.)
   • — Klask gouzout petra a raio Mona Dilaser eus he fenn-devezh. [...]... — (Yann Gerven, Brestiz o vreskenn, Al Liamm, 1986, p. 18.)

Troidigezhioù

• galleg : (elle)/(il) cherche ^(fr) (à)
• galleg : (elle)/(il) essaie ^(fr) , essaye ^(fr) (de)
• galleg : (elle)/(il) mendie ^(fr)

Daveoù

Roll an daveoù :