keuneud

Brezhoneg

Etimologiezh

Meneget er C'hatolikon (queunet).

Da geñveriañ gant an anvioù-kadarn cynnud en kembraeg, keunys en kerneveureg, connadh en iwerzhoneg, dezho-holl ar memes ster.

Deuet eus ur ger keltiek *kom-daw-to-, deveret eus ur verb *kom-dawiō « ober tan », miret evel cynnau en kembraeg. Savet diwar ar verb diazez *dawiō « deviñ ». Gwelet deviñ.

Anv-kadarn

keuneud /ˈkœ̃ːnøt/ strollder (unanderenn keuneudenn)

1. Tammoù koad d'ober tan.
   • Eun deiz ez oa eat d'ar c'hoad da zastum keuneud sec'h : [...]. — (G. MILIN, Gwechall-goz e oa..., Kemper, 1924, p. 85.)
   • — « Sede deuet keuneud deoc'h, va mamm, da ober krampouezh. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 154.)
   • Hast buan drailla keuneud din, da virvi an dillad. — (Jules Gros, Le trésor du breton parlé Deuxième Partie, 1970, p. 142.)
   • Un tog-lann a vez lakaet war ar bern keuneud. TBP
2. Danvez tan.
   • Deh e oam o c'hoari gant keuneud. — (Jules Gros, Le trésor du breton parlé Deuxième Partie, 1970, p. 77.)
   • Ar roue, ken diot hag ul leue brizh, a laka degas di ur pezh bern keuneud ; ... — (Troude ha Milin, Labous ar Wirionez ha Marvailhoù all, Skridoù Breizh, 1950, p. 67.)

Gerioù heñvelster

1. koad-tan
2. gor

Deveradoù

• keuneudad
• keuneudañ
• keuneudeg
• keuneudek
• keuneudennad
• keuneuder
• keuneuta
• keuneutaer

Gerioù kevrennek

• faouter-keuneud
• horzenn-geuneud
• keuneud-berr
• keuneud-bezhin
• keuneud-bleñchoù
• keuneud-derv
• keuneud-douar
• keuneud-gor
• keuneud kaled
• keuneud-koad
• keuneud-kordenn
• keuneud laka laka
• keuneud-lann
• keuneud-mor

Troidigezhioù

Tammoù koad d'ober tan

• alamaneg : Brennholz ^(de)  nepreizh , Kleinholz ^(de)  nepreizh
• finneg : polttopuu ^(de) , sytyke ^(fi)
• galleg : bois de chauffage ^(fr) , petit bois ^(fr)
• iwerzhoneg : connadh ^(ga)  gourel
• kembraeg : cynnud ^(cy)  gourel
• kerneveureg : keunys ^(kw)  gourel
• nederlandeg : brandhout ^(nl) , aanmaakhout ^(nl)
• saozneg : firewood ^(en) , kindling ^(en)
• spagnoleg : leña ^(es)  benel , astillas ^(es)  benel
• svedeg : ved ^(sv) , tändved ^(sv)

Danvez tan

• alamaneg : Brennstoff ^(de)  gourel , Treibstoff ^(de)  gourel
• esperanteg : bruligaĵo ^(eo) , fuelo ^(eo)
• finneg : polttoaine ^(fi)
• galleg : combustible ^(fr)
• iwerzhoneg : connadh ^(ga)  gourel , breosla ^(ga)  gourel
• kembraeg : cynnud ^(cy)  gourel
• kerneveureg : keunys ^(kw)  gourel
• nederlandeg : brandstof ^(nl)
• saozneg : fuel ^(en)
• svedeg : bränsle ^(sv)