erruout
Brezhoneg
|
Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ». |
Etimologiezh
- → Etimologiezh da glokaat (Ouzhpennañ)
Verb
erruout /ɛˈryːut/ verb gwan (displegadur)
- Degouezhout en ul lec'h bennak.
- E oa dija karget an taolioù, pep hini dirak e blad leun, pan erruas un dilerc'hiad. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 50.)
- Erruout a ra e-tal ar c'hastell hag e sko war an nor. — (Fañch an Uhel, Kontadennoù ar Bobl/3, Al Liamm, 1988, p. 15.)
- Erruout a raent e charbañioù nevezlivet, sternet outo kezeg friant, kerc'haet abaoe eizh deiz pe bemzek deiz, hag a skare gant an hent pa vezent laosket da vont. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 238.)
- Adal unnek eur vintin ez erru gwazed kozhik war o leve ha tud dilabour o tont di da genderc'hel gant ur seblant buhez sokial. — (Mich Beyer, Seizh Devezh Warn-ugent, An Alarc'h Embannadurioù, 2006, p. 19.)
- Pa erruas Jakez e Keriezou 'oa Jos o peilhat patatez da lein, hag eñ d'ober de'i e gefridi 'vel-just. — (Añjela Duval, Anjela Duval Eil embannadur reizhet, Mignoned Anjela 2005, p. 805.)
- Gant an tren nav eur ec'h erruas e Gwimilio da Gala-Goañv. — (Abeozen, Pirc'hirin Kala-Goañv, Al Liamm, eil emb. 1986, p. 20.)
- Ha pa erruo Jili, ne gompreno ket c'hoazh perak on deuet un eur abretoc'h, hag e lâro gneñ gneñ, mat e oa evel ma oa, en em santout a ran dianket, gneñ gneñ, hag all hag all... — (Yann Gerven, Brestiz o vreskenn, Al Liamm, 1986, p. 8.)
- Edod gant lein pa erruas : an ozhac'h, e zaou vevel, e wreg hag e vugale, c'hoazh yaouank, a yoa ouzh an daol, en-dro da ur podad yod-silet. — (Lan Inizan, Emgann Kergidu 1, Brest, 1877, eil emb. Al Liamm 1977, p. 40.)
- N'eo nemet pa erruas e korn ar straed e taolas pled e oa un dra bennak divoas o c'hoarvezout : ur c'hazh a oa o lenn ur gartenn. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 6.)
- Pa erruas tre dirak ar savadur, e voe sachet he selloù gant un aridennad poltredoù bras, poltredoù tud yaouank, tud e-kreiz o brud, paotred ha merc'hed. — (Youenn Kervalan, Dremmoù Arrasate, Embannadurioù Al Lanv, 2009, p. 109.)
- Ur pennad war-lerc'h ec'h erruas ur vag-pesketa gant daou zen en he bourzh. — (Goulc'han Kervella, Brezel ar Rigadell, Al Liamm, 1994, p. 26.)
- Goude-se, pan erruas ar c'harr-kañv e korn hent bihan ar vered e chomas kazeg Nikolaz a-sav ur munudig. — (Jakez Konan, Lannevern e kañv ha danevelloù all, Al Liamm, 1980, p. 22.)
- A-wechoù e tegouezhe da Gamlez, ar barrez e penn-kentañ ar prosesion erruout en kêr war he giz, peurechuet ganti he zro kent na veze aet an eskibien e-maez an iliz veur. — (Jarl Priel, Va Zammig Buhez, Al Liamm, 1954, p. 54.)
- C'hoarvezout (darvoudoù).
- Soñj am eus : be' oa kement-se un dra a oa da erruout, ... — (Pêr Denez, Glas evel daoulagad c'hlas na oant ket ma re, Al Liamm, 1979, p. 19.)
- (Mar bije erruet se, en em c'houlennan da bet eur en divije hemañ echuet e zevezh !). — (Jakez Konan, Lannevern e kañv ha danevelloù all, Al Liamm, 1980, p. 61.)
Deveradoù
Stummoù all
Troioù-lavar
Krennlavaroù
- Pa erru ur c'holl en ti
Ez erru daou pe dri
Troidigezhioù
(1)
- saozneg : arrive (en)
- italianeg : arrivare (it)
- galleg : arriver (fr)
- portugaleg : chegar (pt)
- spagnoleg : llegar (es)
(2)