helavar

Brezhoneg

Etimologiezh

Savet diwar ar rakger he- hag an anv-kadarn lavar

Kavet en henvrezhoneg (helabar)

Da geñveriañ gant an anv-gwan hylafar e kembraeg

Anv-gwan

Derez	Furm
Derez-plaen	helavar
Derez-uheloc'h	helavaroc'h
Derez-uhelañ	helavarañ
Derez-estlammiñ	helavarat

helavar /heˈlɑːvar/

1. Aes ha fraezh ar prezeg gantañ
   • Prezeger helavar e gwirionez. — (Brogarour, Onenn, Gwengamp, 1936, p. 67.)
   • Kaer ho pez c'hwibanañ evel ar mouilc'hi, bezañ diabaf ha helavar, [...]. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 306.)
   • Rak gouzout a rae Gisèle kaozeal. An tu he doa da zisplegañ. Bez' he doa un deskadurezh diazezet mat hag helavar e oa. — (Anne Guillou, Gisèle pe ar vuhez adsavet, troidigezh gant Herve Danielou, Ar Skol Vrezoneg - Emgleo Breiz, 1998, p. 47.)
2. Distaget en un doare aes ha fraezh
   • E gwirionez, komzoù helevar ha brezhonek yac'h a glevomp Sul ha gouel en hon iliz parrez. — (Brogarour, Onenn, Gwengamp, 1936, p. 15.)
   • [...], e komprener gwelloc'h a se komzoù helavar ha ken leun a anken gwerz kaer Prosper Proux : [...]. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 9.)

Deveradoù

• helavarded

Troidigezhioù

• galleg : éloquent ^(fr)  ; disert ^(fr)  ; parlant ^(fr)
• kembraeg : hylafar ^(cy)

• saozneg : eloquent ^(en)  ; fluent ^(en)

Anv-kadarn

helavar /heˈlɑːvar/ gourel

1. Perzh an hini zo helavar.

Gerioù heñvelster

• helavarded

Troidigezhioù

• galleg : éloquence ^(fr)

Adverb

helavar /he.ˈlɑː.var/

1. En un doare aes ha fraezh.