peñse

Brezhoneg

Peñse an Titanic. (1)

Etimologiezh

→ Etimologiezh da glokaat (Ouzhpennañ)

Anv-kadarn

peñse /ˈpẽse/ gourel (liester : peñseoù)

1. Kolladenn ul lestr diwar ur gwallzarvoud war vor.
   • [...] teir gwech em eus graet peñse ; c'hoarvezet eo ganin tremen un devezh hag un nozvezh e dour ar mor don. — (Troidigezh dindan renerezh Maodez Glanndour, Oberoù, lizheroù, diskuliadur, emb. Al Liamm, 1971, p. 429.)
   • Nag a reier kuzhet, nag a varroù arne(v) , Nag a wall aveloù pennkaoz a wall beñse'! . SAOQ 90
   • Ha bremañ, yac'h ha salv, ne dajen ket diouzhtu gant an dienez, rak peadra evit ur pennad mat a amzer am boa tennet eus ar peñse. — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 28.)
2. Traoù en em gavet war an aod diwar ur peñse.
   • Amañ e teu ar Baganiz da brenañ keuneud hag a-wechoù da werzhañ traoù kavet ganto war an aod, peñseoù evel ma lavaront. — (Tad Medar, An Tri Aotrou, 1981, p. 107.)
3. mont d'ar peñse: mont da zastum traoù war an aod, goude ur peñse
   • Ha houmañ 'vije ganti en he c'harr ur bern marc'hadourezh, peadra da demptiñ gwazed vrav ne deont moarvat d'ar peñse nemet en defot da gaout gwelloc'h da zastum. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 5.)
4. koad peñse: koad degaset gant ar mor war an aod
   • « .... Du-mañ ez eus ur peul koad peñse, kalet evel houarn, ... » — (Youenn Drezen, An dour en-dro d'an inizi, Al Liamm, 1972, p. 14.)

Gerioù heñvelster

• ed ar mor

Deveradoù

• peñsead
• peñseadenn

• peñseañ

• peñseer

• peñseet

Troioù-lavar

• ober peñse

Troidigezhioù

Kolladenn ul lestr diwar ur gwallzarvoud war vor (1)

• esperanteg : ŝippereo ^(eo)
• galleg : naufrage ^(fr)
• gresianeg : ναυάγιο ^(el) (naváyio)
• ido : naufrajo ^(io)

• nederlandeg : schipbreuk ^(nl)
• portugaleg : naufrágio ^(pt)
• rusianeg : кораблекрушение ^(ru) (korablekrouchenie)
• saozneg : shipwreck ^(en)

Traoù en em gavet war an aod diwar ur peñse (2)

• galleg : épave ^(fr)

Gwelet ivez

• Ar pennad « peñse » e-barzh Wikipedia