priz

Brezhoneg

Etimologiezh

Amprestet digant ar galleg kozh pris.^[1]

Meneget er C'hatolikon (pris).

Da geñveriañ gant ar gerioù pris en kembraeg, prys en kerneveureg.

Anv-kadarn

priz /ˈpriːs/ gourel, pe benel e yezh Treger (liester : prizioù, prizoù)

1. Talvoudegezh arc'hant roet d'un dra bennak (traezenn pe servij); ur priz bras, bihan, uhel, izel:
   • Ur varc'hadourezh he deus tri friz : ur priz bras, ur priz krenn, hag ur priz bihan. — (Yann-Vari Perrot, Buez ar Zent, Monroulez, 1911, p. 27.)
   • 3 € eo priz an niverenn voutin.^[2]
2. priz, ar briz:
   • ... a mar o heus, otro, hoand da gleued ar bris ... (ha mar hoc'h eus c'hoant, aotrou, da glevout ar briz), Louis Eunius 613
   • ... ur briz izel ... Trajedienn Santez Jenovefa a Vrabant 351
   • [...], gant gourc'hemenn da degas dezhañ ar pezh a vije kavet a gaerañ, hep sellet eus ar briz. — (Fañch an Uhel, Kontadennoù ar Bobl/3, Al Liamm, 1988, p. 26.)
   • Me a oa spontet rak ar briz. — (Jules Gros, Le trésor du breton parlé Deuxième Partie, 1970, p. 488.)
   • [...], dibab atav ar pep gwellañ, arabat teurel pled ouzh ar briz : ar pep gwellañ. — (Pêr Denez, Glas evel daoulagad c'hlas na oant ket ma re, Al Liamm, 1979, p. 65.)
   • Er briz m'emañ ar pakad sigaretennoù ez eo aes kompren petra a c'hoarvez ganimp. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 259.)
3. bezañ priz vat war udb:
   • Me a werz ma moh pa welan e vez priz vad warno. — (Jules Gros, Le trésor du breton parlé Deuxième Partie, 1970, p. 432.)
4. ober ur priz:
   • Goude bezañ chipotet ur pennad c'hoazh, e oa graet ar priz. — (Fañch an Uhel, Kontadennoù ar Bobl/5, Al Liamm, 1994, p. 173.)
5. Gopr roet da loread ur genstrivadeg: ar Priz Nobel, ar Priz Langleiz.

   • E-kerzh miz Kerzu 2001 e oa bet roet prizioù France 3 Ouest e Pempoull.^[3]

Doareoù-skrivañ all

En doare-skrivañ etrerannyezhel e vez skrivet pris.

Deveradoù

• dambriz
• dambriziñ
• dibriz
• dibrizañ
• dispriz

• disprizadur
• disprizañ
• disprizañ
• disprizus
• dreistpriz

• dreistprizañ
• izelbriz
• prizachañ
• prizachour
• prizadur

• prizañ
• prizet
• priziañ
• prizius

Troidigezhioù

talvoudegezh arc'hant (1)

• alamaneg : Preis ^(de)
• esperanteg : prezo ^(eo)
• galleg : prix ^(fr)

• kembraeg : pris ^(cy)
• kerneveureg : prys ^(kw)
• saozneg : price ^(en)

gopr (2)

• alamaneg : Prämie ^(de)
• esperanteg : premio ^(eo)

• galleg : prix ^(fr)
• saozneg : award ^(en)

Daveoù

Roll an daveoù :

• ^[1] : Lexique Étymologique des termes les plus usuels du Breton Moderne
• ^[2] : Niverennoù kozh da brenañ, Al Liamm, niv. 330, C'hwevrer 2002, p. 101.
• ^[3] : Prizioù FR3, Al Liamm, niv. 330, C'hwevrer 2002, p. 106.