arc'hant

Brezhoneg

Krai arc'hant

Liv an arc'hant

Pod-kafe en arc'hant.

Etimologiezh

Meneget er C'hatholicon (argant).

Da geñveriañ gant ar gerioù arian en kembraeg, arghans en kerneveureg, airgead en gouezeleg hag arganton en galianeg.

Anv-kadarn

arc'hant /ˈarɣãn(t)/ hollek gourel; liester.

1. (kimiezh) Elfenn gimiek, 47 he niverenn atomek hag Ag hec'h arouez
2. Metal gwenn-louet prizius orjalennus, aes da labourat
   • Mengleuzioù arc'hant Mec'hiko.
   • [...], ha ker lijer e oa ma veze bec'h kavout roudou e dreid, houarnet gant arc'hant. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 39.)
3. Moneiz graet gant ar metal-se.
4. Traoù graet gant arc'hant: ur pezh arc'hant, listri arc'hant.

   Dleout arc'hant :

   kaout arc'hant :

   • Hennez e-nevez choant da gaoud ar marh hag an arhant. — (Jules Gros, Le trésor du breton parlé Deuxième Partie, 1970, p. 340.)

   Kinnig arc'hant :

   • « Toui a ran dre va le, » emezañ en eur sevel e zorn, « beza kinniget e arc'hant d'an den-mañ ! [...] ! » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 280-281.)

   talvout arc'hant :

   • ... honnezh avat a dalv arc'hant! — (Fañch an Uhel, Kontadennoù ar Bobl/3, Al Liamm, 1988, p. 214.)

   Tennañ arc'hant eus un dra :

   • Arc'hant a-walc'h o devoa tennet, a gredan, eus korf ar c'hure paour evit se. — (Fañch an Uhel, Kontadennoù ar Bobl/3, Al Liamm, 1988, p. 206.)

5. Un tamm arc'hant
   • Peogwir n'em-bez netra nemed gand ma zammig arhant. — (Jules Gros, Le trésor du breton parlé Deuxième Partie, 1970, p. 506.)
6. Arc'hant diboan : gounezet aes
   • Arhant diboan ! — (Jules Gros, Le trésor du breton parlé Deuxième Partie, 1970, p. 422.)
7. (Ger lies:) Pezhioù arc'hant, gwenneien
   • Ma arc'hant-me, bepred, n'aint ket da fall. — (Jules Gros, Le trésor du breton parlé Deuxième Partie, 1970, p. 24.)
   • An arc'hant zo berr o lost.

Stummoù rannyezhel

• argant e Su Breizh-Izel^[1]

Gerioù kevrennek

• arc'hant-bev
• arc'hant-butun
• arc'hant-kred

• arc'hant melen
• arc'hant paper
• arc'hanti
• arc'hant-sol

Deveradoù

• arc'hanta
• arc'hantadur
• arc'hantaj
• arc'hantañ
• arc'hantaouiñ

• arc'hantek
• arc'hantel
• arc'hanter
• arc'hantiri
• arc'hantour
• arc'hantus

Troioù-lavar

• dastum aour hag arc'hant
• kaout arc'hant d'ober teil
• ober arc'hant eus un dra bennak
• ober arc'hant war an oaled
• pegement a arc'hant
• skeiñ arc'hant er mor

Troiennoù keñveriañ

• dastum arc'hant evel ur mengleuzier

Krennlavarioù

• Trouz arc'hant ha c'hwezh-vat
  Ne reont na yalc'h na kofad.
• An arc'hant zo berr o lost.

Troidigezhioù

• alamaneg : Silber ^(de) (1, 2), Geld ^(de) (3)
• esperanteg : arĝento ^(eo) (1, 2), mono ^(eo) (3)
• galleg : argent ^(fr)
• kembraeg : arian ^(cy)
• saozneg : silver ^(en) (1, 2), money ^(en) (3)

Daveoù

Roll an daveoù :

• ^[1] : ALBB