kaout arc'hant

Brezhoneg

Etimologiezh

Diwar ar verb kaout hag an anv-stroll arc'hant.

Troienn verb

kaout arc'hant

1. Bezañ pinvidik:
   • An hini en deus arc'hant a zo brav dezhañ. — (Jules Gros, Le trésor du breton parlé Deuxième Partie, 1970, p. 24.)
   • O vezañ ma'm eus bet arc'hant paper... — (Jules Gros, Le trésor du breton parlé Deuxième Partie, 1970, p. 24.)
   • Ma n'am bije ket bet an arc'hant-se em bije ranket ober hepdo. — (Jules Gros, Le trésor du breton parlé Deuxième Partie, 1970, p. 24.)
   • Ma arc'hant-me bepred n'aint ket pa n'em eus ket. — (Jules Gros, Le trésor du breton parlé Deuxième Partie, 1970, p. 24.)
   • N'ouzon ket pet mil [a?] arc'hant en devoa hennezh. — (Jules Gros, Le trésor du breton parlé Deuxième Partie, 1970, p. 24.)
2. Kaout ur gwenneg, gwenneien, ur skoed, skoedoù, ul liard:
   • Pemp skoed, allas ha n'am eus ket pemp gwenneg ! — (Fañch an Uhel, Kontadennoù ar Bobl/3, Al Liamm, 1988, p. 85.)
   • Pa'm-bez ur gwenneg bennag e talc'han tost dezo. — (Jules Gros, Le trésor du breton parlé Troisième Partie, 1974, p. 192.)
   • Ha hi n’he devez gwenneg ebet kammed digant ar penn-mezv lous-se. — (Jules Gros, Le trésor du breton parlé Troisième Partie, 1974, p. 286.)
   • — N'em eus ket ul liard toull. [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 70.)

Gerioù heñvelster

• kaout danvez
• kaout madoù
• kaout peadra

Troioù-lavar

• kaout arc'hant d'ober teil, da stlepel ...
• kaout ar marc'h hag an arc'hant
• na gaout daou wenneg da deuler d'ar c'hi : bezañ paour
• na gaout tra nemet evit e wenneg : rankout paeañ pep tra.

Krennlavaroù

• An hini en deus arc'hant hag a ro En deus mignoned e pep bro. An hini en deus arc'hant ha ne ro ket N'en deus mignon ebet.