tudigoù
Brezhoneg
Etimologiezh
- Diwar an anv-kadarn lies tud hag an dibenn-ger kevrennek -igoù (diwar -ig hag -où).
Furm anv-kadarn
tudigoù /tyˈdiːɡu/
- Furm vihanaat lies an anv-kadarn denig.
- — Nann, ar c'hontrol da se; an dudigoù-se n'int ket ken fall ha ma lârer. — (Fañch an Uhel, Kontadennoù ar Bobl/2, Al Liamm, 1985, p. 104.)
- [...], ha tri dervezh (!) e pade an abadenn : d'al lun evit ar pennoù bras, d'ar meurzh evit an dudigoù, mitizhien, amezeien hag all, ha d'ar yaou evit ar veleien, ar gerent hag ar vignoned nesañ. — (Jarl Priel, Va Zammig Buhez, Al Liamm, 1954, p. 11.)
- Met ar soudarded, ni, an dudigoù abaf ha dister, ar « moc'h-mañ », eme an aluzener faeüs am eus graet meneg dioutañ, ni, tonket da vezañ is-ofiserien ivez, na muioc'h na nebeutoc'h, ni a rankas tremen dirak ur sened barnerien na oant ket marteze kalz desketoc'h egedomp. — (Jarl Priel, Amañ hag Ahont, Al Liamm, 1957, p. 19.)
- Ha talvout a ra bremañ ar boan kenderc'hel da soroc'hal evel tudigoù spontik ? — (Jarl Priel, Nag a Wad, Al Liamm niv. 112, Gwengolo-Here 1965, p. 302.)
- Pep fest bras ne bade nepred nebeutoc'h eget tri devezh. An deiz kentañ eo hini ar binvidien ; an eil eo hini an dudigoù ; an trivet eo hini ar servijerien, ar vevelien. — (Erwan Berthou, En bro Dreger a-dreuz parkoù, Mouladurioù Hor Yezh, 1985, p. 71.)
- Se oa ar stourm ! Atav-atav en em zifretañ gant tudigoù n'oa ket en o c'horf a-bezh an hanter eus ar vailhantiz. — (Roparz Hemon, Viktor ha Petronilh, Al Liamm, niv. 387, Gouere - Eost 2011, p. 73.)
Notenn
Gwall souezhus eo kavout ar ger dervezh (Atlas linguistique de la Basse-Bretagne JOUR ; JOURNEE) en un destenn savet gant ar skrivagner tregeriat Jarl Priel...
Troidigezhioù
- galleg : gens de peu (fr) , petites gens (fr)