askellek

Brezhoneg

Etimologiezh

Diwar an anv-kadarn askell hag al lostger -ek.

Da geñveriañ gant an anvioù-gwan asgellog en kembraeg, askellek en kerneveureg.

Anv-gwan

askellek /asˈkɛlːek/

1. Dezhañ un askell, divaskell pe eskell ; adanek (diwar-benn al loened)
   • [...], nemet e tegouezhas din gwelout ar wech kentañ er mor ar Garaïbed pesked askellek o fraoñval a rez an dour [...]. — (Jarl Priel, Va Zammig Buhez, Al Liamm, 1954, p. 91.)
2. Askelligoù outañ (diwar-benn an traoù)
   • Tizet enn he galoun gant eur bir askellek,
     Eul labouz o ouela war he stad truezuz,
     [...]. — (G. Milin, Marvaillou grac'h-koz, Brest, 1867, p. 106.)
3. Zo un askell outi (diwar-benn hadoù 'zo)

Doareoù-skrivañ all

En doare-skrivañ etrerannyezhel e vez skrivet askelleg.

Gerioù kevrennek

• divaskellek
• pederaskellek

Troidigezhioù

• galleg : ailé ^(fr) , volant ^(fr)
• kembraeg : asgellog ^(cy)
• saozneg : winged ^(en)