da lavarout eo

Brezhoneg

Etimologiezh

Diwar an araogenn da, ar verb lavarout hag eo (eus ar verb bezañ).

Troienn

da lavarout eo /Distagadur ?/

1. Troienn a zegas ur resisadenn, un displegadenn ouzhpenn ar pezh emeur o paouez ezteuler ; skrivet d.l.e. a-wechoù.
   • [...] da vihana el lec'hiou-ma en em gav ar muia a gristenien, da lavarout eo, enn Aljer ha tro-var-dro [...] — (Lizeriou Breuriez ar Feiz, leor kenta, 1849, p. 83.)
   • — « [...] ; ha kas anezhi d'ar bed all, da lavarout eo, disammañ anezhi eus he foanioù, ne vefe ket un dra ken digristen-se. » — (Jakez Riou, An Ti Satanazet, Skridoù Breizh, 1944, p. 75.)
   • [...], e ti va zad-kozh ha va mamm-gozh, da lavarout eo en ti emaon bremañ o chom ennañ. — (Jarl Priel, Va Zammig Buhez, Al Liamm, 1954, p. 8.)
   • Anat eo e teuas er bed e-kerz an eil hanter eus an triwec'hvet kantved, da lavarout eo ur pennad a-raok an Dispac'h Bras a reas kement a reuz e-barzh ar vro. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 7.)
   • [...], hag a-benn ur miz am boa da vezañ e Moskov, ma felle din bezañ eureujet an deiz divizet gant va gwreg, da lavarout eo, an dri-warn-ugent a viz Ebrel. — (Jarl Priel, Va Buhez e Rusia, Al Liamm, 1955, p. 5.)
   • Mont a reas 'ta d'ar Gêrbenn batailhon kentañ ar c'hentañ rejimant, da lavarout eo, ramzed holl gwitibunan ; [...]. — (Jarl Priel, Amañ hag Ahont, Al Liamm, 1957, p. 26.)
   • Anzav a ran bremañ ez eo kentoc'h evit enebiñ ouzhin va-unan, da lavarout eo, evit heuliañ va c'hoantoù donañ. — (Roparz Hemon, Mari Vorgan, Al Liamm, eil emb. 1975, p. 28.)
   • [...], abaoe ma oa aet d'ar gouent, da lavarout eo abaoe e bask kentañ. — (Youenn Drezen, Sizhun ar Breur Arturo, Al Liamm, 1971, p. 8.)
   • Gouzout splann a rae e trofe an traoù pe da vat pe da fall evitañ - da lavarout eo e vije daonet pe salvet eneoù a vil-vern - hervez an dibab a rafe. — (Langleiz, Romant ar Roue Arzhur/levrenn I : Marzhin, Al Liamm, 1975, p. 17.)
   • Anaoudek-bras e oan d'an tonkadur peogwir e c'hellemp labourat a-gevret - da lavarout eo bezañ atav an eil gant egile, [...]. — (Pêr Denez, Glas evel daoulagad c'hlas na oant ket ma re, Al Liamm, 1979, p. 22.)
   • Da lavarout eo e welin pelec'h emañ kuzhet. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 300.)

Gerioù heñvelster

• da lavaret eo

Stummoù rannyezhel

• da lâret eo

Troidigezhioù

• alamaneg : das ist ^(de)
• galleg : c'est-à-dire ^(fr) , autrement dit ^(fr)
• italianeg : cioè ^(it) , ossia ^(it) , ovvero ^(it)
• nederlandeg : namelijk ^(nl)
• saozneg : that is to say ^(en)
• spagnoleg : es de decir ^(es) , o sea ^(es) , mejor dicho ^(es)
• portugaleg : ou seja ^(pt)